News Portal

  • शताब्दी पुरुषको इच्छा अनुसार पार्थिव शरीर दान

    भक्तपुरपोस्ट संवाददाता भक्तपुर, ३० असोज २०७९
    ३३० पटक
    भक्तपुर, ३० असोज २०७९

    शताब्दी पुरुष सत्यमोहन जोशीको निधन भएको छ । १०३ वर्षको उमेरमा उनको निधन भएको हो ।

    ललितपुरको ग्वार्कोस्थित किष्ट मेडिकल कलेजमा आइतबार बिहान ७ः ०९ बजे जोशीको निधन भएको थियो । लामो समयदेखि प्रोस्टेट तथा मुटुको समस्याबाट पीडित जोशीमा कमजोरी देखिएपछि असोज ७ गते इमर्जेन्सीमा भर्ना गरी उपचार सुरू गरिएको थियो। परीक्षण गर्दा डेङ्गु सङ्क्रमण, छातीमा निमोनियाको सङ्क्रमणका साथै मुटुको चालसम्बन्धी समस्या देखिएको र अक्सिजन स्याचुरेसन लेभल कम भएर सघन उपचार कक्षमा सिफ्ट गरी उपचार सेवा दिइँदै आएको थियो।

    मृत्युपश्चात आफ्नो शरीर दान दिने घोषणा गरेका जोशीको पार्थिव शरीर ललितपुरस्थित किष्ट अस्पताललाई हस्तान्तरण गरिएको छ । यस अघि अपराह्न ललितपुर महानगरपालिका परिसरमा नेपाल प्रहरीको एक टुकडीले राष्ट्रिय सम्मान स्वरुप शोक सलामी चढाएको थियो ।

    उनको निधनमा राष्ट्रिय शोक मनाउने निर्णय लिएको सरकारले सार्वजनिक बिदा दिने तयारी गरेको छ । एक दिन शोक बिदा दिने भएपनि सोमबार कि मंगलवार बिदा दिने भन्ने बारे सूचना प्रकाशन पछि मात्र थाहा हुने गृह मन्त्रालय श्रोतले जनाएको छ ।

    शताब्दी पुरुष सत्यमोहन जोशीका श्रीमती ३ छोरा र ३ छोरी छन् ।

    प्रतिकृया दिनुहोस्

    भक्तपुरका बासुले ल्याए मोबाइल हराउन नदिने ‘एप’

    भक्तपुरका व्यवसायी सुवास बासुले मोबाइल हराउन नदिने एप्लिकेशन भित्राएका छन् । उनले भारतमा लोकप्रिय रहेको...

    एमाले भक्तपुरको अध्यक्षमा दोहोरिए देउजा

    नेकपा एमालेको भक्तपुर जिल्ला कमिटीको ९ औं अधिवेशनले नयाँ नेतृत्व निर्वाचित गरेको छ । सल्लाघारीस्थित...

    भक्तपुर एमालेमा २ प्यानल, मतदानबाट नेतृत्व निर्वाचित गरिँदै

    नेकपा एमालेको भक्तपुर जिल्ला कमिटीमा नयाँ नेतृत्व चयनका लागि निर्वाचन हुने भएको छ । सल्लाघारीस्थित...

    भक्तपुर निवासी पौडेल ३८ वर्षमै सहसचिव सिफारिस

    krishna paudel CDO

    बिराटनगर स्थायी ठेगाना भई भक्तपुरको मध्यपुर थिमी-३ निवासी गृह मन्त्रालयका उपसचिव कृष्ण पौडेल निजामती सेवाको...

    सर्लाही एमालेमा पुन: साहकै नेतृत्व, १२ मतले पछि परे प्रसाईं

    नेकपा एमाले जिल्ला कमिटी सर्लाहीको अध्यक्षमा राजकुमार साह निर्वाचित भएका छन् । सदरमुकाम मलंगवामा बुधबार...