News Portal

  • भाउजुको प्रेममा परी दाजुको हत्या गर्ने हत्यारा १२ वर्षपछि भक्तपुरमा फेला

    भक्तपुरपोस्ट संवाददाता भक्तपुर, ३१ असोज २०७९
    २१७९३ पटक
    thimi police circleभक्तपुर, ३१ असोज २०७९

    अदालतले जन्म कैद हुने सजाय गरेका एक फरार अपराधी १२ वर्ष पछि भक्तपुरमा फेला परेका छन् । प्रहरी वृत्त थिमीको प्रहरी टोलीले १२ वर्षदेखि फरार रहेका उनलाई फेला पारेका हो ।

    पक्राउ परेका अपराधी दाङ्ग जिल्लाको साबिक सैघा गा.बि.स. वडा नं. २ कोईला बस्ती (हालको घोराही उपमहानगरपालिका वडा नं.१९) स्थायी ठेगाना भएका प्रेम बहादुर राना हुन् । आफ्नै भाउजु नाता पर्ने बिन्दु रानासंग अनैतिक सम्बन्धमा रहेका प्रेमले बिन्दुका श्रीमान् दाजु नाता पर्ने सूर्यबहादुर राना बैदेशिक रोजगारीबाट फ़र्किएको पाँच दिनपछि हत्या गरेका थिए । प्रेम र बिन्दुको मिलेमतोमा रक्सीमा धतुरो मिसाएर बेहोस बनाइ घाटी थिची उनको हत्या भएको प्रहरीले जनाएको छ ।

    त्यति मात्र होइन, हत्या गरी डोकोमा बोकी नजिकैको जंगलको भिरालो खोल्सामा लगि फालि दिएको शव १५ दिनपछि मात्र प्रहरीले फेला पारेको थियो । श्रीमती बिन्दुले जेल सजाय भोगेपनि प्रेम फरार रहँदा फैसला कार्यान्वयन हुन सकेको थिएन । अदालतले कर्तब्य ज्यान मुद्दामा जन्मकैद फैसला गरेका व्यक्ति पक्राउ नपर्दा प्रहरी प्रशासनको योग्यतामै प्रश्न चिह्न लागेको थियो ।

    प्रहरी वृत्त थिमीका प्रमुख रहेका डिएसपी हरिनन्दन चौधरीका अनुसार १२ वर्षदेखि फरार रहेका प्रेमबहादुर राना ठिमीको संगम चोकबाट समातिएका हुन् । कर्तब्य ज्यान केसमा सजाय पाएका फरार अपराधी भक्तपुरमा लुकीछुपी रहेको सूचना पाएपछि खोजीकार्यलाई महत्व दिएर थिमी वृत्तले प्रहरी टोली परिचालन गरेको थियो । उनी ठिमीमा डेरा गरी परिवारसहित बस्दै आएका भेटिएको डिएसपी चौधरीले जानकारी दिए ।

    दाङ्गको जिल्ला अदालतले जन्मकैद फैसला गरेको १२ वर्षदेखि फरार रहेका प्रेमलाई पक्राउ गरी जिल्ला अदालत भक्तपुरमा आइतवार पेश गरिएको थियो । उनलाई अदालतको आदेशले ठेकिएको कैद भुक्तानको लागि कारागार कार्यालय जगन्नाथदेवल काठमाडौं चलान गरिएको जिल्ला प्रहरी परिसरका सूचना अधिकारी राजु पाण्डेले जानकारी गराए । १२ वर्षदेखि फरार रहेका अपराधी पक्राउ गर्नु भक्तपुर प्रहरीको सफलता भएको उनको भनाइ छ ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...