भक्तपुर, १ कार्तिक २०७९सस्कृतीविद एवं शताब्दी पुरुष सत्यमोहन जोशीको निधनमा शोक व्यक्त गर्दै सार्वजनिक बिदा दिइएको छ । सरकारले सोमबार एक सूचना जारी गर्दै आज मंगलवार सार्वजनिक बिदा दिएको हो ।
गृह मन्त्रालयद्वारा जारी सूचनामा जोशीको निधनको शोकमा सरकारले देशभरका सबै सरकारी कार्यालय, सार्वजनिक संघ संस्थाहरू, विदेशस्थित कुटनीतिक नियोगहरूमा मंगलबार एक दिन सार्वजनिक बिदा दिने निर्णय गरेको बताइएको छ । साथै मंगलवार राष्ट्रिय झण्डा झुकाउने निर्णय भएको समेत सूचनामा भनिएको छ ।
शताब्दी पुरुष सत्यमोहन जोशीको १०३ वर्षको उमेरमा ललितपुरको ग्वार्कोस्थित किष्ट मेडिकल कलेजमा आइतबार बिहान निधन भएको थियो ।
मृत्युपश्चात आफ्नो शरीर दान दिने घोषणा गरेका जोशीको पार्थिव शरीर ललितपुरस्थित किष्ट अस्पताललाई हस्तान्तरण गरिएको छ । यस अघि अपराह्न ललितपुर महानगरपालिका परिसरमा नेपाल प्रहरीको एक टुकडीले राष्ट्रिय सम्मान स्वरुप शोक सलामी चढाएको थियो ।
शताब्दी पुरुष सत्यमोहन जोशीका श्रीमती ३ छोरा र ३ छोरी छन् ।