नेमकिपाका अध्यक्ष नारायणमान बिजुक्छेले मतदान गरेका छ्न । भक्तपुर-५ स्थित विद्यार्थी निकेतन मावि केन्द्रबाट उनले मतदान गरेका हुन् ।                                                          मतदानका लागि बिहान १० बजे  मतदान केन्द्र आइपुगेका अध्यक्ष बिजुक्छे सवा १० बजे निर्वाचन सम्पन्न गरेका छन् । मतदान पछि संचारकर्मीसंग संक्षिप्त कुराकानी गर्दै  अध्यक्ष बिजुक्छेले देश र जनताको पक्षमा रहेको आफ्नो पार्टीले ५८ जिल्लाबाट उम्मेदवारी दिएको बताउदै यस पटक ५८ जिल्लाका मतदातालाई सचेत पारिएको प्रष्ट पारे । उनले मतदाताले सचेतता पूर्वक उम्मेदवार र पार्टी चयन नगरे सम्म देशको अवस्था राम्रो नबन्ने बताए । उक्त अवसरमा नेमकिपाका सचिव एवं प्रतिनिधि सभा सदस्य उम्मेदवार प्रेम सुवाल र प्रदेश सभा सदस्य उम्मेदवार सुरेन्द्रराज गोसाइँको समेत उपस्तिथि रहेको थियो । विद्यार्थी केन्द्र निर्वाचन केन्द्र भने मतदाता र संचारकर्मी मैत्री बनाइएको देखिएको छ ।