भक्तपुर, ४ मङ्सिर २०७९भक्तपुर निर्वाचन क्षेत्र नम्बर २ मा ७१.७२ प्रतिसत मत खसेको छ । आइतवार सम्पन्न प्रतिनिधि सभा तथा प्रदेश सभा सदस्य निर्वाचनमा ७१.७२ प्रतिसत मत खसेको हो ।
९१ हजार ९ सय ११ मतदाता रहेका यस क्षेत्रमा आज आइतवार सम्पन्न निर्वाचनमा ६५ हजार ९ सय १९ मत खसेको हो । यहाँ महिला मतदाता पुरुष भन्दा करिब ३ हजार बढी रहेका भए पनि उनीहरुले पुरुषलाई करिब २ सय मतले मात्र उछिन्न सकेका छन् ।
२ प्रदेश क्षेत्र रहेको यस निर्वाचन क्षेत्रमा सूर्यविनायक र मध्यपुर थिमी नगरपालिका पर्दछन । १ सय ५ मतदान केन्द्र रहेको निर्वाचन क्षेत्र नम्बर २ मा सूर्यविनायकस्थित वडा नम्बर ७ गुन्डु मतदान केन्द्रमा सबैभन्दा बढी मतदान भएको छ । यहाँ ७९ प्रतिसत मत खसेको जिल्ला निर्वाचन कार्यालयका सूचना अधिकारी भिमबहादुर बिसीले बताए । उनका अनुसार सबैभन्दा कम मध्यपुर थिमी नगरपालिका परिसर केन्द्रमा ६५ प्रतिसत मात्र मत खसेको बताइएको छ ।
दुवै क्षेत्र गरी १ लाख ९४ हजार ४ सय ३९ मतदाता रहेकामा कूल १ लाख ३९ हजार ९ सय ३८ मत खसेको छ । जम्मा खसेको मत प्रतिसत ७२ हो ।