जाजरकोटबाट प्रतिनिधि सभा सदस्यमा नेकपा (माओवादी केन्द्र) का शक्तिबहादुर बस्नेत विजयी भएका छन् ।

कुल ६५ हजार ६ सय ६१ मतमध्ये पूर्व मन्त्री बस्नेतको पक्षमा ३४ हजार १ सय ५१ आएको हो । उनले नेकपा (एमाले) का निरज आचार्यलाई ९ हजार ३१ मतले पराजित गरेका हुन् ।

एमाले नेता आचार्यले २५ हजार १२० मत प्राप्त गरेका छन् । बस्नेत योसँगै तीन पटक संसदीय निर्वाचनमा विजयी बनेका छन् । संविधान सभाको दोस्रो निर्वाचन २०७०, २०७४ सालमा भएको निर्वाचनमा बस्नेत निर्वाचित भएका थिए ।