माओवादी केन्द्रकी स्थायी कमिटि सदस्य रोखा शर्माद्वारा नेकपा एमालेका महासचिव शंकर पोखरेल पराजित भएका छन् । दाङ क्षेत्र नम्बर २ मा पोख्रेललाई करिब १ सय ९७ मतअन्तरले रेखाले पराजित गरेकी हुन् ।

रेखाले २६ हजार ८ सय ७७ मतका साथ विजयी बनेकी हुन् । प्रतिद्दन्द्दी एमाले महासचिव पोखरेलले २६ हजार ६ सय ८० मत ल्याएका थिए ।

औपचारिक रुपमा मत परिणाम सार्वजनिक हुन भने बाँकी छ ।

निर्वाचनमा रेखाको यो पहिलो प्रत्यक्ष प्रतिस्पर्धा हो । शंकर भने २०५१ को चुनावमा जितेपछि त्यसयता प्रतिनिधिसभामा आउन सकेका छैनन । उनले ०७४ को चुनावमा प्रदेश सभामा जितेर लुम्बिनी प्रदेशको मुख्यमन्त्री बनेका थिए । तर उनलाई संघीय संसदको चुनाव भने फाप्न सकिरहेको छैन ।