तनहुँ १ मा कांग्रेसका वरिष्ठ नेता रामचन्द्र पौडेल विजयी भएका छन् । पौडेलले २५ हजार ३ सय १३ मत पाएर जित हात पारेका हुन् ।

उनका निकटम प्रतिद्वन्द्वी नेकपा एमालेका एकबहादुर राना १९ हजार ९ सौ २५ मत पाएका छन् । यी दुईजनाबीचको मतान्तर ५ हजार ३ सय ८८ रहेको छ । आयोगले केहीबेरमा आधिकारिकरूपमा परिणाम सार्वजनिक गर्ने तयारी गरेको छ ।

कांग्रेसका पूर्व नेता गोविन्दराज जोशीले ६ हजार ८ सय ७७ मत प्राप्त गरेका छन् ।

०७४ सालको चुनावमा पौडेल सोही क्षेत्रमा तत्कालिन एमाले उम्मेदवार किसन श्रेष्ठसँग पराजित हुन पुगेका थिए । श्रेष्ठ अहिले एकीकृत समाजवादीमा छन् । श्रेष्ठले उक्त क्षेत्र छोडेर पौडेललाई सहयोग गदैं बारा ४ गएपछि पौडेललाई त्यहाँ जित निकाल्न सहज भएको हो । श्रेष्ठले पनि बारा ४ बाट चुनाव जितिसकेका छन् ।