भक्तपुर, ८ मंसिर २०७९ प्रतिनिधिसभा सदस्य निर्वाचनमा भक्तपुर-२ बाट प्रतिनिधि सभा सदस्य निर्वाचित भएका कांग्रेसका दुर्लभ थापाले प्रदेश सभामा निर्वाचित डा राजेन्द्रमान श्रेष्ठ सहित विजय र्याली निकालेका छन् ।
पूर्व मन्त्री समेत रहेका एमाले उम्मेदवार महेश बस्नेतलाई पराजित गर्न सफल भएपछी गठबन्धन नेताकार्यकर्तामा उत्साह देखिएको छ । लोकतान्त्रिक बाम गठबन्धनले र्याली सहित बिजयोत्सव मनाएको हो ।
प्रतिनिधिसभा सदस्य निर्वाचनको अन्तिम परिणामअनुसार थापा २४ हजार २ सय ३९ मत ल्याएर निर्वाचित भएका हुन् ।
उनका निकटतम प्रतिद्वन्द्वी एमालेका बस्नेतले २३ हजार २ सय ८२ मत ल्याउँदा नेमकिपाकी अनुराधा थापामगरले ७ हजार १ सय २७ मतसहित तेस्रो स्थानमा रहेकी छन् छन् ।
काँग्रेस नेता रमेश खड्काले यो औपचारिक विजय र्याली नभई उपस्थित कार्यकर्ता सहित नजिकको शक्ति पिठहरु दर्शन गरिएको र औपचारिक कार्यक्रम पछि तय हुने जानकारी गराए ।