News Portal

  • पोर्चुगललाई पराजित गर्दै मोरक्को पुग्यो सेमिफाइनल

    भक्तपुरपोस्ट संवाददाताभक्तपुर, २४ मङ्सिर २०७९
    ४०६ पटक
    भक्तपुर, २४ मङ्सिर २०७९

    मोरक्को ईतिहास रच्दै फिफा विश्वकप फुटबल प्रतियोगिताको सेमिफाइनल प्रवेश गर्ने पहिलो अफ्रिकी मुलुक बनेको छ । कतारमा जारी विश्वकप फुटबलको क्वाटरफाइनलमा युरोपेली मुलुक पोर्चुगललाई ०–१ ले पराजित गर्दै मोरक्को सेमिफाइनलमा प्रवेश गरेको हो ।
    अल थुमामा स्टेडियममा सम्पन्न खेलमा मोरक्कोलाई सेमिफाइनल पुर्याउन युसेफ एन नेसरीले निर्णायक गोल गरे । उनले खेलको ४२ औं मिनेटमा गरेको गोल नै निर्णायक बन्यो । उनले हेडमार्फत गोल गरेका हुन । उनले याह्या अतिया अल्लाहको क्रसलाई हेडरमार्फत गोल गरेका थिए । गोलरक्षक डिओगो कोस्टा र डिफेन्डर रुवेन डियासभन्दा अघि उफ्रेर उनले बललाई पोस्टको दिशा दिएका थिए ।


    निकै प्रतिस्पर्धात्मक खेलको दोस्रो हापमा पोर्चुगलले लगातार आक्रमण गरेपनि मोरक्कोका गोलकिपर र रक्षपंक्ति बाधक बन्दा बराबरी गोल गर्न सकेन अन्ततः विश्व स्टार फुटबलर क्रिस्टियानो रोनाल्डो सम्मिलित पोर्चुगल क्वाटरफाइनलबाटै बाहिरिन बाध्य भयो ।
    आफ्नो खेल करियर अन्ततिर आइपुगेका रोनाल्डोको विश्वकप उचाल्ने धोको अधुरो हुने भएको छ । अघिल्लो खेलमा समेत शुरुवाती ११ मा नपरेका रोनाल्डोले मोरक्को विरुद्धको क्वाटरफाइनलमा समेत बेन्च रहेका थिए । उनी दोस्रो हापमा मैदान प्रवेश गरेका थिए । उनले केही अवसर सिर्जना गरेपनि बललाई जाली चुमाउन असफल रहे ।


    निकै प्रतिस्पर्धात्मक खेलमा दुवै टोलीले गोलको अवसर सिर्जना गरेपनि थप गोल हुन सकेन । खेलको ईन्ज्युरी समयको तेस्रो मिनेटमा मोरक्कोका वालिद चेदिराले दोस्रो पहँलो कार्ड कार्डपछिको रातो कार्ड खाँदै बाहिरीए । उनले एक मिनेटको अन्तरमा दोस्रो फल गरेपछि रेफ्रीले दोस्रो पहेंलो कार्ड देखाएका थिए ।
    बल पोसेसनमा पोर्चुगल निक्कै अगाडि रहेपनि फिनिसिङमा चुक्दा प्रतियोगिताबाट बाहिरिनु पर्यो । खेलमा पोर्चुगलको बल पोसेसन ७४ प्रतिशत रहेको छ भने मोरक्कोको २६ प्रतिशत रहेको छ । मोरक्कोले ९ र पोर्चुगलले १२ पटक गोलपोष्ट प्रहार गर्दा दुवै टोलीको ३÷३ प्रहार टार्गेटमा परेको थियो । पोर्चुगलले ६६३ पास खेल्दा मोरक्कोले २४८ पास खेले । मोरक्कोले १५ फल खेल्दा पोर्चुगलले ९ फल खेले । मोरक्कोको ३ र पोर्चुगल ९ कर्नर पाए । खेलमा दुवै टोलीका एक एक खेलाडीले पहेंलो कार्ड पाए ।
    पोर्चुगल सुरुवाती ११ ः
    डिओगो कोस्टा, पेपे, रुवेन डियास, डिओगो डालोट, राफाएल गुरेरो, रुवेन नेभेस, ओटाभियो, ब्रुनो फर्नान्डेस, बर्नार्डो सिल्भा, जोआओ फेलिक्स, गोन्कालो रामोस
    मोरक्को सुरुवाती ११ ः
    यासिन बोनो, अक्रफ हाकिमी, रोमन साइस, जवाद एल यामिक, याहया अतिअत–अल्लाह, सोफ्यान अम्राबाट, अजेदिन ओनाहि, सेलिम अमाल्लाह, हाकिम जिएच, सोफियान बौफाल, युसुफ एन नेसरी

     

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...