News Portal

  • हस्तकला क्षेत्रमा महानगरले छलाङ मार्ने महर्जन दाबी

    भक्तपुरपोस्ट संवाददाता भक्तपुर, २९ मङ्सिर २०७९
    २३४ पटक
     भक्तपुर, २९ मङ्सिर २०७९

    ललितपुर महानगरपालिकाका मेयर चिरिबाबु महर्जनले हस्तकला क्षेत्रमा महानगरले छलाङ मार्ने दाबी गरेका छन् । नेपाल हस्कतला महासंघले गत वर्षदेखि सुरु गरेको स्थापनाको स्वर्ण वर्षसम्बन्धी विभिन्न कार्यक्रमको बुधबार विधिवत रुपमा अन्त्य गरिएको कार्यक्रममा यस्तो दावी गरेका हुन् ।

    २०७८ मंसिर २८ गतेदेखि महासंघ स्वर्ण वर्षमा प्रवेश गरेको इतिहासको उपलक्ष्यमा एक वर्षसम्म विभिन्न कार्यक्रम गरी मनाइएको थियो । बुधबार राजधानीमा महासंघले स्वर्ण वर्षको समापन तथा ११ औं हस्तकला दिवस शुभारम्भ गरेको छ । कार्यक्रममा महर्जनले ललितपुर र हस्तकला पर्यायवाची रहेको उल्लेख गर्दै महानगरपालिका विश्वको ३५ औं हस्तकला सहर घोषणा हुनु गर्वको विषय भएको समेत बताए ।

    महानगरलाई विश्व शिल्प परिषद्ले हस्तकला सहर भनेर सदस्यता प्रदान गरेको छ । सदस्यता प्राप्त गरेपछि हस्तकलामा राम्रो काम गर्ने सोचमा राखेको तर, सदस्यता प्राप्त गरे पनि कोभिड–१९ का कारण राम्रो काम गर्न नसकेको महर्जनले बताए ।

    ललितपुर क्षेत्रमा उत्पादित हस्तकलाका सामानहरू राख्ने कोसेली घर पाटन ढोकामा व्यवस्थापन गरिएको र माघको पहिलो हप्ताभित्र यसको उदघाटन हुने मेयर महर्जनले बताएका छन् ।

    पर्यटनको बसाइ छोटिएको कारण हस्तकलाका सामानले बजार पाउन नसकेको उल्लेख गर्दै उनले बसाई लम्ब्याउन प्रयास गरिरहेको जानकारी दिए । सार्वजनिक खरिद ऐनका कारण विद्युतीय बस ल्याउन ढिलाइ भएको उल्लेख गर्दै उनले यसबाट पर्यटकको बसाई लम्ब्याउन सकिने बताए ।

     

    प्रतिकृया दिनुहोस्

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...