भक्तपुरपोस्ट संवाददाता भक्तपुर, ३ पुस २०७९
भक्तपुर, ३ पुस २०७९ आइतबार सुनको भाउ बढेर एक लाख पाँच सय रुपियाँ पुगेको छ । शुक्रबार प्रतितोला ९९ हजार नौ सय रुपैयाँमा कारोबार भएको यो सुनको भाउमा आज छ सय रुपियाँ बढेको नेपाल सुनचाँदी व्यवसायी महासङ्घले जनाएको छ ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख रुपैयाँ छ । यसको मूल्य अघिल्लो दिन ९९ हजार चार सय रुपैयाँ थियो ।
त्यस्तै चाँदीको मूल्य अघिल्लो कारोबार मूल्यका तुलनामा रु. १० ले वृद्धि भई प्रतितोला रु. एक हजार तीन सय ८० पुगेको महासङ्घले जनाएको छ ।
महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ । हाल अन्तर्राष्ट्रिय बजारमा सुन प्रतिऔँस एक हजार सात सय ९३ दशमलव १३ अमेरिकन डलर आसपासमा कारोबार भइरहेको जनाइएको छ ।