भक्तपुरपोस्ट संवाददाता भक्तपुर, ११ पुस २०७९
भक्तपुर, ११ पुस २०७९ राष्ट्रिय स्वतन्त्र पार्टी (रास्वपा)का सभापति रवि लामिछाने आजै मन्त्री बन्ने भएका छन् ।
नेकपा माअोवादी केन्द्रका अध्यक्ष पुष्पकमल दाहाल ‘प्रचण्ड’लाई प्रधानमन्त्री बन्न साथ दिएको रास्वपाका सभापति लामिछाने मन्त्री बन्ने भएका हुन् ।
प्रधानमन्त्रीमा नियुक्त भएसँगै प्रचण्डले आज दिउँसो पद तथा गोपनियताको सपथ लिने भएका छन् ।
यस्तै, माओवादी केन्द्रबाट एक जना र एमालेबाट चार जना मन्त्री बन्ने भएका छन् । जसमा माओवादीबाट नारायणकाजी श्रेष्ठ मन्त्री बन्ने भएका हुन् ।
यसैगरी एमालेबाट पार्टी उपाध्यक्ष विष्णु पौडेलसहित ज्वालाकुमारी साह, दामोदर भण्डारी र राजेन्द्र राई मन्त्री बन्ने भएका छन् ।