भक्तपुरपोस्ट संवाददाताभक्तपुर, १७ पुस २०७९
भक्तपुर, १७ पुस २०७९ पोखरा महानगरले आज सार्वजनिक बिदा घोषणा गरेको छ । पोखरा अन्तर्राष्ट्रिय विमानस्थलसञ्चालनमा आउने खुसियालीमा महानगरले आइतबार सार्वजनिक बिदा घोषणा गरेको हो ।
प्रधानमन्त्री पुष्पकमल दाहाल ‘प्रचण्ड’ले बिहान ११ बजे विमानस्थलको उद्घाटन गर्ने कार्यक्रम थियो ।उद्घाटनका दिन आज हिमालय एयरलाइन्सले ‘डेमो’ उडान गर्नेछ ।
तर, अन्तर्राष्ट्रिय उडान फागुन दोस्रो सातापछि मात्रै खुल्ने नागरिक उड्डयन प्राधिकरणका सहायक प्रवक्ता ज्ञानेन्द्र भुलले जानकारी दिएका छन् ।
पुरानो विमानस्थलदेखि ३ किलोमिटर पूर्व छिनेडाँडा क्षेत्रको २ सय हेक्टर क्षेत्रफलमा करिब २२ अर्बमा अन्तर्राष्ट्रिय विमानस्थल निर्माण गरिएको हो ।