भक्तपुर, १९ पुस २०७९उपराष्ट्रपति नन्द बहादुर पुनले ललितपुरको सिस्नेरीस्थित ट्रिबर्न रिसोर्ट्को अवलोकन गरेका छन् । पर्यटकीय क्षेत्र लाँकुरी भन्ज्याङको फेदिमा अन्तर्राष्ट्रियस्तरका भिल्ला समेत रहेको ट्रिबर्न रिर्सटको उपराष्ट्रपति पुनले मंगलवार अवलोकन गरेका हुन् । नेकपा (माओवादी केन्द्र)का पोलिटब्युरो सदस्य एबम् भक्तपुर इन्चार्ज दिलिप कुमार प्रजापती सहित पुगेका उपराष्टपति पुनले रिसोर्टमा करिब १ घण्टा समय बिताएको रिर्सटका संचालक एबम् भक्तपुरका युवा उद्यमी ब्यवसायी नरेश रन्जितले बताए ।
युवाहरुद्धारा संचालित रिसोर्ट्को अवस्थिती, साजसज्जा, वातावरण र परिकारले आफू प्रभावित भएको उपराष्टपति पुनले प्रतिक्रिया दिएका छन् । रिसोर्टले रोजगारी संगै उक्त श्रेत्रमा पर्यटकीय तथा आर्थिक गतिबिधि समेत बढ्ने उपराष्ट्रपति पुनले विश्वास ब्यक्त गरे ।
लामो समय आतिथ्य सत्कार लगायतका सेवा श्रेत्रमा काम गर्दै आएका उज्जन कुमार श्रेष्ठ , नरेश रन्जित , राजु कुटु , डिकेन कुटु , नबिन श्रेष्ठ लगायत समुहले तारे होटेल स्तरको सेवा सुविधा सहित रिसोर्ट संचालन गरेको हो । ललितपुरको ग्वार्को चोकबाट करिब ८ किलोमिटर दुरिमा रहेको नेपालकै एउटा महत्त्वपूर्ण पर्यटन गन्तव्यका रूपमा विकास हुदै गएको स्थानमा रहेको यस ट्रिबर्न रिर्सटमा अन्तर्राष्ट्रिय स्तरका भिल्ला सहित , बिभिन्न कार्यक्रमका लागि सेमिनार हल , स्वना -स्पा , ज्याकुजि ,स्वीमिङ पुल लगायतका सेवाहरु उपलब्ध रहेका छन् । 
प्राकृतिक सुन्दरताको मनमोहक दृश्य, सिंगो उपत्यकालाई दृश्यावलोकन गर्न सकिने एवम् हिमालको अनुपम दृष्यपान गर्न पाइने हुनाले रिसोर्टमा पुग्ने जो कोहि प्रशन्न भएर फर्किने गरेका संचालक रन्जितले जानकारी गराए ।