भक्तपुरपोष्ट संवाददाताभक्तपुर, २४ पुस २०७९
भक्तपुर, २४ पुस २०७९ सूर्यविनायक नगरपालिकाले जग्गाको कित्ताकाट शुरु गरेको छ । सोमबार बाट नगर क्षेत्रका जग्गा कित्ताकाट हुने भएको हो ।
आइतबार प्रमुख प्रशासकीय अधिकृत राजेन्द्रप्रसाद कडेलले सबै वडा कार्यालयलाई कित्ताकाट खुलेको परिपत्र गरेका छन् । उनले लामो समय कित्ताकाट रोकिदा स्थानीयलाई आर्थिक संकट परेको र नगरको आयमा समेत यसले नकारात्मक असर पारेकोले कित्ताकाट खोल्नुपरेको कारण उल्लेख गरेका छन् ।
गत जेठदेखि नगरपालिकामा कित्ताकाट बन्द रहेको थियो । यस बीच नगरपालिकाले भूमी उपयोग नीति पास गरेको छ र भूमिको वर्गीकरण समेत सम्पन्न गरेको छ । भूउपयोग नक्सा र भुउपयोग योजनाको अन्तिम रुप रेखा प्रस्तुत नगरी कित्ताकाट गर्न हतार गरेको नगरपालिकाले त्यसलाई असर नपर्ने गरि सीमित कित्ताकाट खोलेको जिकिर गरेको छ । 