भक्तपुर, २६ पुस २०७९चाँगुनारायण नगरपालिकाले चालू आर्थिक वर्षको ६ महिनामा ७२ लाख बढी घरबहाल कर असुली गरेको छ । नगरपालिकाको १२ औं नगरसभा अधिवेशनमा मंगलबार प्रस्तुत अर्ध बार्षिक समिक्षामा सोकुरा सार्वजनिक गरिएको हो । नगरपालिकाले सबैभन्दा बढी आम्दानी भने सिफारिस दस्तुरवापतको शुल्क असुली बाट गरेको देखिन्छ । पुस २० गते सम्मको तथ्यांकका आधारमा हेर्दा सिफारिस शुल्क बापत नगरपालिकाले १ करोड ७१ लाख ४२ हजार ६ सय ९५ राजश्व असुली गरेको बताइएको छ । दोस्रो बढी राजश्व भने ब्यवसाय दर्ता बाट १ करोड २० लाख बढी असुली भएको छ । त्यसपछि नक्सा पासको दस्तुरबाट तेस्रो सर्वाधिक आय संकलन भएको छ । नक्सा पास दस्तुर बाट नगरपालिकाले १ करोड ११ लाख ७७ हजार ४ सय २४ उठाएको हो । प्रशासनीक दण्ड जरिवाना बाट पनि नगरपालिकाले यस अवधिमा ९ लाख बढी राजश्व संकलन गरेको जानकारी प्राप्त भएको छ । नगरपालिकाले नगर सभाको १२ औ अधिवेशनमा बिबिध १३ शिर्षकमा उठाइएका राजस्वको जानकारी प्रस्तुत गरिएको छ । त्यसैगरी सर्वाधिक राजश्व वडा नम्बर २(दुवाकोट) बाट ६२ लाख ६२ हजार बढी प्राप्त भएको र सबैभन्दा कम वडा नम्बर ३(झौखेल) बाट २० लाख ७० हजार मात्र प्राप्त भएको समेत जानकारी प्राप्त भएको छ । 
चाँगुनारायण नगरपालिकाको नगरसभाको १२ औं अधिवेशनले आर्थिक वर्ष २०७९/८० को संशोधिन नीति तथा कार्यक्रमलाई संसोधन गर्दै पारित गरेको छ । साथै, नगरपालिकाको अर्धवार्षिक समिक्षा समेत सर्वसम्मतले पारित गरेको छ ।अधिवेशनको अर्को बैठक बिहीबार बस्ने प्रमुख प्रशासकिय अधिकृत हिरामणी सुवेदीले बताएका छन् ।