भक्तपुर, २ माघ २०७९ वीर अस्पताल र राष्ट्रिय ट्रमा सेन्टरले माघ २ गते सोमबार आकस्मिक बाहेक सबै सेवा बन्द गर्ने निर्णय गरेको छ ।
आइतबार बसेको चिकित्साविज्ञान राष्ट्रिय प्रतिष्ठानका उपकुलपति स्तरीय बैठकले प्रतिष्ठानअन्तर्गका कोभिड–१९ युनिफाइड केन्द्रीय अस्पताल, वीर अस्पताल, ट्रमा सेन्टर र वीर अस्पताल नर्सिङ क्याम्पसमा आकस्मिकबाहेकका सेवा बन्द गर्ने निर्णय गरेको हो ।
आइतबार भएको विमान दुर्घटनमा ट्रमाका अर्थाेपेडिक सर्जन डा. सुशील श्रेष्ठ, उनकी श्रीमती र एक छोरासहित दिवङ्गत हुनुभएका उनको सम्झनामा आकस्मिक सेवा बन्द गर्ने निर्णय गरेको अस्पतालद्वारा जारी सूचनामा उल्लेख छ ।
आइतबार बिहान काठमाडौंबाट पोखराका लागि उडेको यती एयरलाइन्सको कल साइन ‘नाईन एन–एनएसी’ ६९१ उडानको एटीआर–७२ विमान अवतरण हुनुअघि पोखराको सेती खोँचमा दुर्घटनाग्रस्त भएको थियो । विमानमा चार चालक दलसहित ७२ जना सवार थिए । दुर्घटनामा परेर अहिलेसम्म ६८ जनाको मृत्यु भएको पुष्टि भइसकेको छ । त्यसमध्ये ३८ जनाको शव पहिचान भएको छ ।
गोरखापत्र दैनिक