भक्तपुर, २ माघ २०७९ नेपालगञ्ज उपमहानगरपालिमा दादुरा फैलिने क्रम तिव्र छ । आइतबार थप १२ जना दादुराका बिरामी भेटिएसँगै दादुरा संक्रमितको संख्या एक सय ९२ पुगेको स्वास्थ्य कार्यालय बाँकेले जनाएको छ ।
सरकारले दादुरा प्रभावित बाँकेको नेपालगञ्जमा ६ महिना देखि १५ वर्षसम्मका बालबालिकालाई दादुरा रुबेलाविरुद्धको खोप अभियान सञ्चालन गर्दै आएको छ ।
सोमबार नेपालगञ्ज उप-महानगरपालिकाअन्तर्गतका १६ वडामा १६ वटा खोप केन्द्रमार्फत दादुराविरुद्धको खोप लगाउँदै छ । बिहान १० बजेदेखि दिउँसो ४ बजेसम्म खोप लगाउन सकिने स्वास्थ्य कार्यालय बाँकेले जनाएको छ ।
स्वास्थ्य कार्यालय बाँकेका अनुसार बाँकि ७ वटा वडाका खोप लगाउन छुट बालबालिकाहरूलाई वडाका स्वास्थ्यकर्मीमार्फत खोज र खोप अभियान जारी राखेको छ ।
आइतबार मात्र ४६६ बालिका र ४१५ बालक गरी ८८१ जनालाई खोप लगाइएकाे थियाे । योसँगै बाँकेमा हालसम्म १७ हजार ५७० जना बालबालिकालाई खोप लगाइएको छ ।सोही समयमा १ जनाको मृत्यु भएको छ ।
