भक्तपुरपोस्ट संवाददाताभक्तपुर, ८ माघ २०७९
भक्तपुर, ८ माघ २०७९ सरकारले आज देशैभर सार्वजनिक बिदा दिएको छ । सोनाम ल्होसारको अवसरमा सरकारले आज देशैभर सार्वजनिक बिदा दिएको हो ।
आइतबार तामाङ समुदायले सोनाम ल्होछारको अवसर परेर विशेष कार्यक्रम आयोजना गरी मनाउँदै छ । माघ शुक्ल प्रतिपदाका दिन तामाङ समुदायले नयाँ वर्षको रुपमा सोनाम ल्होसार मनाउँदै आएका छन् ।
देशका विभिन्न भागमा बसोबास गर्ने तामाङसहित ह्योल्मो, थकाली, जिरेल, नेस्याङ्वा, भोटे, दुरा, लेप्चा आदि जातिले समेत आ–आफ्नै शैली र परम्पराअनुसार यो पर्व मनाउँदै आएको पाइन्छ ।
आजैदेखि सुँगुर वर्ष पूरा भइ मुसा वर्ष सुरु भएको मानिन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ । तामाङ जातिको बाहुल्यता रहेको बागमती प्रदेशका विभिन्न जिल्लामा यो पर्व विशेषरुपमा मनाइन्छ ।
