राष्ट्रिय स्वतन्त्र पार्टी (रास्वपा) काे बैठक आइतबार पनि बस्दैछ। हिजाे शनिबार बेलुका बसुन्धारास्थित पार्टी कार्यालयमा बसेकाे केन्द्रीय समिति र संसदीय दलको संयुक्त बैठक बिना निष्कर्ष टुंगिएकाे थियाे ।

रास्वपाले गृहमन्त्रालय नपाए सरकार छाड्ने चेतावनी दिँदै आएकाे छ । यता, प्रधानमन्त्री पुष्पकमल दाहाल ‘प्रचण्ड’ले भने रास्वपालाई गृहमन्त्रालय नदिने बताउँदै आएका छन् । उनले गृहकाे सट्टा भाैतिक पूर्वाधार लिन प्रस्ताव गरेका हुन् ।

साेही प्रस्तावमा छलफल गर्न आज पनि बैठक बस्न लागेकाे हाे । बैठक ११ बजे बाेलाइएकाे छ । शनिबार राति ११ बजे सकिएकाे बैठकले यस विषयमा ठाेस निर्णय गर्न सकेकाे थिएन । बैठकमा राष्ट्रपति र राष्ट्रियसभा उपाध्यक्षकाे चुनावबारे मात्रै छलफल भएकाे एक नेताले जानकारी दिए ।

स्राेतका अनुसार सरकारबाट नबाहिरिने पक्षमा धेरै नेताहरू उभिएका छन् ।