बैंक तथा वित्तीय सस्थाहरुले ऋण असुल गर्ने प्रयोजनका लागि ऋणीको फोटो राखेर सूचना प्रकाशित गर्न नपाइने व्यवस्था गरिएको छ । नेपाल राष्ट्र बैंकले ऋणीको फोटो राखेर सूचना प्रकाशित गर्न रोक लगाएको हो ।

ऋण तिर्न आउने त्यसैगरी लिलामीको सूचना जारी गर्दा बैंकहरुले ऋणीको फोटोसहित तीनपुस्ते प्रकाशित गर्दै आएको र यसका कारण सम्पत्ती लिलामी संगै सामाजिक बेइज्जती भएको ऋणी र उनका परिवारले गुनासो गर्दै आएका थिए । प्रधानमन्त्री प्रचण्डले समेत यसबारे चासो लिएका थिए ।

नेपाल राष्ट्र बैंकको नयाँ निर्देशनसंगै अब आज शुक्रबारबाटै बैंकहरुलाई यो काम गर्न बन्देज लगाइएको छ । नयाँ निर्देशन अनुसार निक्षेपकर्ता कालोसूचीमा नरहेको यकिन गरेर मात्र बैंकहरुले खाता खोल्नुपर्नेछ । कालोसूचीमा रहेको व्यक्तिलाई खाता खोल्न बन्देज गरिएको बताइएको छ ।