भक्तपुरमा ख्वप कलेजको वार्षिकोत्सवको अवसर पारेर आइतबारदेखि छात्रछात्रा फुटसल प्रतियोगिता सुरु गरेको छ ।

ख्वप माविको २३ औं, ख्वप कलेजका २१ औ र शारदा क्याम्पसको ३२ औं वार्षिकोसत्वको अवसरमा भक्तपुरको सूर्यविनायक नगरपालिका वडा नं ८ सिपाडोलस्थित हेल्थी फुटसल इटबूमा प्रतियोगिता सुरु भएको हो ।

प्रतियोगिताको पहिलो दिन दुई चरणका प्रतियोगिताहरु हुने फुटसल प्रतियोगिता उपसमितिका संयोजक सुनिल सुवालले बताएका छन् । फाइनल भने पर्सि मंगलबार मात्रै हुने उनको भनाइ छ । प्रतियोगिताको उदघाटन कलेजका प्राचार्य रुपक जोशीले वल हस्तान्तरण गरी गरेका थिए ।