News Portal

  • जनयुद्धको राष्ट्रियकरण, फागुन १ देशभर सार्वजनिक बिदा

    भक्तपुरपोस्ट संवाददाता भक्तपुर, २९ माघ २०७९
    ३९७ पटक
    भक्तपुर, २९ माघ २०७९

    सरकारले जनयुद्ध दिवसको अवसरमा देशभर सार्वजनिक बिदा दिएको छ । जनयुद्ध दिवसका दिन फागुन १ गते सार्वजनिक बिदा दिइएको हो ।

    मन्त्रिपषिद्को बैठकले जनयुद्ध दिवसको अवसरमा सार्वजनिक बिदा दिने निर्णय गरेसंगै सरकारले एक सूचना जारी गर्दै फागुन १ गते देशभरी सार्वजनिक बिदा दिने घोषणा गरिएको गृह मन्त्रालयले जनाएको छ । गृह प्रवक्ता जितेन्द्र बस्नेतले एक सूचना जारी गर्दै फागुन १ मा जनयुद्ध दिवसको अवसरमा सार्वजनिक बिदा दिइएको जनाएका छन् ।

    वर्तमान राजनीतिक ब्यवस्था र परिवर्तनमा तत्कालीन नेकपा माओवादीले जनतालाई गोलबन्द गरि गरेको जनयुद्धको भूमिकालाई सम्मान गर्दै जनयुद्ध दिवसका अवसरमा सरकारले सार्वजनिक बिदा घोषणा गरेको हो । यसले इतिहासको संरक्षण र जनयुद्धको महत्व पुष्टि गर्दछ ।

    तत्कालीन नेकपा(माओवादी) को नेतृत्वमा सामन्ती राजतन्त्रात ्मक एकात्मक राज्य सत्ता बिरुद्ध जनताको शासन स्थापना गर्ने उदेश्यले २०५२ फागुन १ गते जनयुद्धको घोषणा गरिएको दिनलाई जनयुद्ध दिवसको रुपमा मनाइदै आएको छ । नेपालमा १० वर्ष सम्म चलेको जनयुद्धका सुप्रीम कमान्डर रहेका प्रचण्ड हाल देशका प्रधानमन्त्री रहेका छन् ।

    प्रधानमन्त्री प्रचण्डले संसदमा असाधारण बहुमत प्राप्त गरेको र सरकारको नेतृत्वमा पनि आफैं भएकोले यस पटक जनयुद्ध दिवसलाई राष्ट्रियकरण गर्न सफल भएका हुन् ।

    विपक्षीहरु समेत धेरै विरोधमा उत्रन नसक्ने अवस्थामा प्रचण्डले आफैले नेतृत्व गरेको जनयुद्धमा सार्वजनिक विदा दिएर यसलाई राष्ट्रियकरण गरेपछि जनयुद्धको ओझ अझ बढ्न पुगेको छ ।

    जनयुद्धको कारण देशमा राजनीतिक ब्यवस्था बदलिएर संघीय लोकतान्त्रिक गणतन्त्रको स्थापना सम्भव भएको छ । देशमा नयाँ संविधान संगै थुप्रै सकारात्मक परिवर्तन आएका छन् र हिजो पछाडि पारिएका वर्ग, लिङ्ग, क्षेत्र र समुदायले बिबिध क्षेत्रमा आरक्षण र अवसर प्राप्त गर्न सफल भएका छन् ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...