News Portal

  • जनयुद्ध दिवसमा भक्तपुरको त:मारीमा दीप प्रज्वलन

    भक्तपुरपोस्ट संवाददाता भक्तपुर, १ फागुन २०७९
    ४४७ पटक
    भक्तपुर, १ फागुन २०७९

    भक्तपुर नगरमा जनयुद्ध दिवसको अवसरमा दिप प्रज्वलन गरी शहिदप्रति सम्झना र सम्मान व्यक्त गरिएको छ । सोमबार साँझ त:मारी(तौमढि) मा दीप प्रज्वलन गरी शहिदप्रति सम्झना र सम्मान व्यक्त गरिएको हो ।

    नेकपा (माओवादी केन्द्र) को भक्तपुर नगर समितिद्वारा आयोजित उक्त कार्यक्रममा जनयुद्धमा शहादत प्राप्त गरेका शहिदहरुको तस्विर समेत टागिएको थियो । शहिदको बलिदानीको उच्च सम्मान गर्दै कार्यक्रम आयोजना गरिएको नगर अध्यक्ष राकेश सुवालले बताए । अध्यक्ष सुवालले जनयुद्ध दिवसको महत्व क्रान्तिकारी वर्गले मात्र बुझ्ने बताउदै आम जनतालाई यसको महत्व बुझाउन अभियान चलाउनुपर्ने आवश्यकता औल्याए ।

    कार्यक्रममा भक्तपुर सह इन्चार्ज रहेका नेकपा(माओवादी केन्द्र) का केन्द्रीय सदस्य एवं प्रदेश सांसद देवेन्द्र श्रेष्ठले शहिदले देखाएको बाटो अविचलित हिडिरहने प्रतिवद्धता प्रकट गर्दै शहिदले देखेका सपना पूरा गर्न सबै एक भएर लाग्नुपर्नेमा जोड दिए ।

    त्यसैगरी मुख्यमन्त्रीका प्रमुख राजनीतिक सल्लाहकार समेत रहेका अर्का केन्द्रीय सदस्य डिपी ढकालले जनयुद्ध राष्ट्रियकरण भएको र यो जनयुद्धका शहिद, बेपत्ता र घाइते प्रति उच्च सम्मान भएको भनेका छन् । बाचेकाहरूले शहिदको सपना पूरा गर्नुपर्ने उनको भनाइ छ ।

    कार्यक्रममा संविधान सभा सदस्यद्वय सुवाल र उमा कपाली त्यसैगरी बागमती प्रदेश सांसद भुवनकेशरी श्रेष्ठ भावना पार्टीका जिल्ला संयोजक सुनिल गोठे, सचिव जीवन तज लगायतको उपस्थिति रहेको थियो ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...