भक्तपुरपोस्ट संवाददाता भक्तपुर, ३ फागुन २०७९
भक्तपुर, ३ फागुन २०७९ नेपाल मजदुर किसान पार्टीका अध्यक्ष नारायणमान विजुक्छेंले ठूूला राजनीतिक दलहरुभित्र बिदेशी एजेन्टको दबदबा रहेको दावी गरेका छन् । ठूूला राजनीतिक दलहरुका २० नेतामा ५ जना बिदेशी एजेन्ट भएका उनले दावी गरेका हुन् ।
ख्वप माविको २३ औं, ख्वप कलेजको २१ औ र शारदा क्याम्पसको ३२ औ वार्षिक उत्सव तथा ख्वप कलेज अफ लको स्थापना एवं सञ्चालनको अवसरमा आयोजित कार्यक्रम उद्घाटन गर्दै अध्यक्ष बिजेक्छेंले ती पार्टीका केन्द्रिय सदस्यहरुमध्ये यो अनुपातमा विदेशी एजेन्ट भएको जिकिर गरे । यही कारण नेपाली नेताहरु विदेशीका गुलाम जस्ता भएका र चुनाव अगाडि दिने वाचाहरु झुठा सावित हुने गरेका उनको भनाइ छ ।
ठूला राजनीतिक दलहरुले चुनावमा राम्रै बाचा गरेर गएपनि विदेशीको इशारामा चल्नुपर्ने भएकाले चुनावमा वाचा गरेका विषयवस्तुहरु विदेशीले पूरा गर्न नदिने गरेको उनले बताए ।