News Portal

  • ओली निवास बालकोटमै पानीको अभाव : सांसद दुर्लभ थापाले दिए यस्तो निर्देशन

    भक्तपुरपोस्ट संवाददाता भक्तपुर, ५ फागुन २०७९
    ४१० पटक
    भक्तपुर, ५ फागुन २०७९

    भक्तपुर क्षेत्र नं. २ का प्रतिनिधि सभा सदस्य दुर्लभ थापाले खानेपानी समस्या समाधान गर्न पहल गरेका छन् । आफ्नो निर्वाचन क्षेत्र अन्तर्गतका बालकोट लगायत कतिपय ठाउँमा पानी अभावपछि सांसद थापाले त्यसका लागि पहल लिएका हुन् ।

    सांसद थापाले काठमाडौं उपत्यका खानेपानी लिमिटेड (केयुकेएल) का भक्तपुर प्रमुखलाई आफ्नो कार्यालयमा बोलाएर बालकोटलगायतका क्षेत्रमा मेलम्चीको पानी तत्काल वितरणको व्यवस्था गर्न आग्रह गरेका छन् । उनले मेलम्ची र बोडेको पानीको सहि व्यवस्थापन गरी सबैतिर पानी पुर्याउनुपर्ने आवश्यकता औल्याउदै खानेपानी कतै खेर जाने कतै नपाइने अवस्था अन्त्य गर्न निर्देशन दिए । पूर्व प्रधानमन्त्री केपी शर्मा ओलीको निजी निवास स्थल समेत रहेको बालकोट क्षेत्रमा खानेपानीको अभाव हुनु लाजमर्दो विषय भएको भन्दै सांसद थापाले खानीपानी समस्या हल गर्न केन्द्र, प्रदेश र स्थानीय सरकारको संयुक्त र परिणाममुखी कार्य हुनुपर्ने प्रष्ट पारे ।

    केयुकेएलका भक्तपुर प्रमुख चेतबहादुर ऐरले तत्कालको लागि बोडेको पानी थिमिहुँदैं सूर्यविनायकको बालकोट क्षेत्रमा वितरण गर्न सकिने विकल्प पेश गरेका थिए । साथै, उनले मेलम्चीको पानी कटुञ्जेस्थित मेलम्ची आयोजनाले निर्माण गरेको ट्यांकीसम्म ल्याउन सकिने र त्यसपछि लिफ्टीङ गरेर बालकोटलगायतका स्थानमा वितरण गर्न सकिने सम्भावनाबारे बताएका र त्यसको लागि प्रक्रिया शुरु गर्ने प्रतिवद्धता प्रकट गरेका सांसद थापाको सचिवालय सदस्य रमेश खड्काले जानकारी दिए । सो अवसरमा सूर्यविनायकको खानेपानीको समस्या दिर्घकालिनरुपमा समाधान गर्न गुण्डु र सिपाडोलमा ड्याम बनाउन सकिने बारे पनि छलफल भएको बताइएको छ ।

    सूर्यबिनायक र मध्यपुर थिमी क्षेत्रको आफू जनप्रतिनिधि हुनुको हैसियतले दीर्घकालीन रुपमा समाधानका उपाय खोजेर अगाडि बढ्न केयुकेएलका प्रतिनिधिलाई प्रोत्साहित गर्दै सांसद थापाले त्यसका लागि आफुले माथिल्लो निकायमा आवश्यक पहल र समन्वय गर्ने प्रतिवद्धता पनि प्रकट गरेका केयुकेएलका भक्तपुर प्रमुख चेतबहादुर ऐरले जानकारी गराए ।

    छलफलमा सूर्यविनायक नगरपालिकाका विभिन्न वडाका वडाअध्यक्षहरु प्रदिप कार्की, ईश्वर खडका , भगवान खत्री, दिपेन्द्र केसी एवं खानेपानी उपभोक्ता समितिका अध्यक्ष श्रीकृष्ण बासु र पूर्ण बिशुङ्खे लगायतको सहभागिता रहेको थियो ।

    प्रतिकृया दिनुहोस्

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...

    उपप्रधान तथा गृहमन्त्री लामिछानेको भक्तपुरमा १ रोपनी जग्गा

    सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ...

    कान्तिपुर मिडिया ग्रुपका अध्यक्ष कैलाश सिरोहिया पक्राउ

    कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । सिरोहियालाई नागरिकता कीर्ते आरोपमा प्रहरीले...

    भक्तपुरमाथि विभेद भएको छ : मेयर प्रजापति

    आदरणीय नगरबासी दाजुभाइ तथा दिदीबहिनीहरू, दोस्रो कार्यकालको निम्ति हामी निर्वाचित भएर बहाली भएको आज दुई...