News Portal

  • आफ्नै गुरुले यातायात कार्यालय भवन निर्माणमा अवरोध गरेपछि पूर्वमन्त्री बस्नेत असन्तुष्ट

    भक्तपुरपोस्ट संवाददाता भक्तपुर, ९ फागुन २०७९
    ३११ पटक
    भक्तपुर, ९ फागुन २०७९

    वागमती प्रदेश सरकार मातहत रहेको यातायात व्यबस्था कार्यालय (सवारी चालक अनुमति पत्र) को आफ्नै भवन निर्माण कार्यमा अवरोध भएको भन्दै निवर्तमान सांसद एवं नेकपा एमालेका पोलिटब्युरो सदस्य महेश बस्नेतले असन्तुष्टि व्यक्त गरेका छन । आफ्नै गाउँ गुन्डूस्थित हाके डांडामा निर्माण गर्न लागिएको सो कार्यालयको शुरुवातमै अवरोध भएको भन्दै उनले असन्तुष्टि व्यक्त गरेका हुन् ।

    कौशिल बस्नेत निर्माण सेवा प्रा.ली.ले २०७८ माघ २७ गते ठेक्का सम्झौता गरेपनि बिभिन्न कारणले रोकिएको भवन निर्माण कार्य सुरु गर्न माटो सम्याउन लाग्दा पुन अबरोध आएको हो । माटो सम्याउन लाग्दा जिल्ला समन्वय समितिले अबरोध गरेको बताइएको छ ।

    पूर्वमन्त्री समेत रहेका नेकपा एमालेका नेता बस्नेतले विगतमा पनि यातायात कार्यालय निर्माणमा अबरोध खडा भएको र अहिले पनि अबरोध आउन नहुने भन्दै कानून सम्बत कुरालाई कसैले रोक्न नहुने बताए । सूर्यविनायक क्षेत्रका प्रदेश सभा सदस्य एवं एमाले नेता किरण थापामगरले पनि प्रदेश सरकारले तत्काल भवन निर्माण कार्य अगाडि बढाउन जमिन सम्याउन निर्देशन दिए पछि काम सुरु भएको भन्दै जिम्मेवार निकायबाट भवन निर्माणमा अबरोध नभई सहयोग हुनुपर्ने प्रष्ट पारे ।

    गुन्डूमा निर्माण हुने भनिएको यातायात कार्यालयको काम रोकेको आरोप लागेको जिल्ला समन्वय समितिमा गुन्डूकै स्थानीय नेता प्रमुख रहेका छन् । त्यतिमात्र होइन, जिसस प्रमुख ईश्वरबहादुर थापा नेता बस्नेतका राजनीतिक गुरु समेत हुन् । कुनै जानकारी बेगर माटो बेच्न थालेपछि उनी आक्रोसित भएका बताइएको छ ।

    जिल्ला समन्वय समितिका प्रमुख ईश्वरबहादुर थापाले माटो तथा खानीको अनुगमन गर्ने निकाय आफ्नो मातहतमा रहेकाले जिससलाई जानकारी नै नगराई माटो झिक्ने र लैजाने काम गरेकाले रोकेको प्रतिक्रिया दिएका छन् ।

    जिसस प्रमुख थापाले फिल्डमै गएर काम रोकेको र जगाती बृत्तका डिएसपी राजकुमार श्रेष्ठलाई डोजर समातेर ल्याउन निर्देशन दिएका बताउदै उक्त क्षेत्रका वडाध्यक्ष एवं एमालेका स्थानीय नेता रविन्द्र सापकोटाले आपत्ति जनाएका छन् ।

    जिल्ला प्रशासन कार्यालय भक्तपुरका सहायक प्रमुख जिल्ला अधिकारी माधवप्रसाद शर्मा घिमिरेले सरकारी कार्यालयको भवन निर्माणमा अवरोध गरेको नभई जमिनको माटो उत्खनन नियम संगत भए नभएको यकिन गर्न खोजिएको स्पष्ट पारे ।

    प्रतिकृया दिनुहोस्

    पत्रकार सिलवाललाई पितृशोक

    प्रेस सेन्टर नेपाल भक्तपुरका कोषाध्यक्ष, नेपाल पत्रकार महासंघ जिल्ला शाखा भक्तपुरका सदस्य एवं जनगर्जन पत्रिकाका...

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...