नेपाल जेसीजले सानोठिमीमा तालिम सम्पन्न गरेको छ । शनिवार जेसीजले आधारभूत तालिम सम्पन्न गरेको हो ।

नेपाल जेसीजका पूर्व राष्ट्रिय उपाध्यक्ष तथा ठिमी जेसीज पूर्व अध्यक्ष जेसी जीबन श्रेष्ठले तालिममा सहभागीलाई प्रशिक्षण दिएका थिए । उक्त तालिममा २५ जनाको सहभागीता रहेको थियो । जेसीजमा सदस्यता लिन नभई नहुने उक्त तालिममा सहभागी हुने सम्पूर्ण प्रशिक्षार्थीहरु तालिमपश्चात जेसीजको सदस्यता प्राप्त गर्न योग्य भएका कुरा प्रशिक्षक जेसी जीबन श्रेष्ठले जानकारी गराए ।

ठिमी जेसीज बर्ष २०२३ का अध्यक्ष जेसी पुजा श्रेष्ठको सभापतित्वमा सम्पन्न उक्त तालिमले जेसिजको बिकासमा सहयोग पुग्ने बिश्वास व्यक्त गरिएको छ । जेसिजले आगामी दिनहरुमा स्थानिय सरकार एवं संघ÷संस्थाहरुसँगको साझेदारीमा बैठक प्रणाली तालिम दिने योजना रहेको आयोजकले जानकारी दिएको छ ।उक्त तालिममा ठिमी जेसीज बर्ष २०२३ का वोर्ड पदाधिकारीहरुको उपस्थिति रहने महासचिव जेसी उज्वल श्रेष्ठले जनाएका छन् ।

के हो जेसिज
जेसीज भन्ने शब्दको उत्पत्ति Junior Citizens बाट भएको हो । Junior Citizens लाई छोटकरीमा वा संक्षेपमा भन्नु पर्दा Jcs भनियो कालान्तरमा Jcs को उच्चारण गर्दा Jaycees रहन गएको हो ।

जेसीज भनेको १८ देखि ४० बर्ष सम्मका युवाहरुको नेतृत्व क्षमताको विकास गर्ने विश्वव्यापी संस्था हो यो प्रत्यक्ष रुपमा सामाजिक विकास प्रति समर्पित संस्था होईन । यो व्यक्तिको प्रतिभा बिआकास प्रति समर्पित सस्था हो । यसको केन्द्र विन्दु व्यक्ति – मानिस हो ।

प्रत्येक मानिस भित्र प्रतिभा हुन्छ र उक्त प्रतिभालाई प्रस्फुटन गराउनु र व्यक्तित्वको बिआक्स गराउनु जेसीजले मूल ध्येय हो । जेसिजले आफना सदस्यहरुलाई उपयूक्त अवसरहरु उपलब्ध गराएर उनीहरुमा अन्तरनिहित प्रतिभालाई प्रस्फुटन गराई नेतृत्व दिन सक्षम बनाउने र एक असल एवं योग्य व्यक्ति बनाउने बताइन्छ ।