भक्तपुरपोस्ट संवाददाता भक्तपुर, १९ फागुन २०७९
भक्तपुर, १९ फागुन २०७९ राष्ट्रिय परीक्षा बोर्ड, परीक्षा नियन्त्रण कार्यलयले कक्षा ९ मा अध्ययनरत विद्यार्थीका लागि कक्षा १० को रजिष्ट्रेसन फाराम खुला गरेको छ । कार्यालयले विद्यालयलाई विद्यार्थीको फाराम भर्दा पछि फेरि सच्याउनु नपर्ने गरी सहि फाराम भर्न/भराउन अनुरोध गरेको हो ।
शैक्षिक सत्र २०७९ मा कक्षा ९ मा साधारण, परम्परागत तथा प्रविधिक धारतर्फ नियमित रुपमा अध्ययनरत विद्यार्थीहरुले २०८० सालको नियमित माध्यमिक शिक्षा परीक्षा (एसइइ) मा सहभागी हुनको लागि फारम भर्नुपर्नेछ ।
फाराम आजदेखि चैत मसान्तसम्म नियमित शुल्क र २०८० सालको बैशाख १५ गतेसम्म दोब्बर शुल्कमा भर्न भराउन सक्नेछन् ।
२०७२ देखि २०७७ सालसम्मका विद्यार्थीले अनिवार्य विषयमा न्यूनतम डीप्लस ग्रेड र २०७८ सालमा न्यूनतम डी ग्रेड प्राप्त गरेको ग्रेटसिट र जन्मदर्ता प्रमाणपत्र बुझाउनुपर्ने छ ।
