भक्तपुर, २१ फागुन २०७९भक्तपुरमा बाल यौन दुरुपयोग भएको घटना प्रहरीको अन्तराष्ट्रिय संगठनले सूचना दिएपछि एक युवती पक्राउ परेकी छन् । प्रहरीको अन्तर्राष्ट्रिय संगठन ईन्टरपोलको बालबालिका विरुद्धको अपराध युनिटले दिएको सूचनाको आधारमा उनी पक्राउ परेकी हुन् ।
भक्तपुर प्रहरीका अनुसार पक्राउ पर्ने युवतीको उमेर २१ वर्ष रहेको छ र उनले आफ्नै नाबालिका बहिनीसंग यौनजन्य गतिबिधि गरि बालयौन दुरुपयोग गरेको देखिएको छ । पिडितको गोप्यता खुल्ने हुँदा पहिचान खुलाइएको छैन ।
आफ्नै नाबालिका बहिनीसँग यौनजन्य गतिविधि गरी सो को भिडियो खिची जीमेल मार्फत आफ्नो केटा साथीलाई पठाएपछि इन्टरपोलले त्यो पत्ता लगाएको थियो । उनी विरुद्ध प्रहरीको अन्तर्राष्ट्रिय संगठन ईन्टरपोलको बालबालिका विरुद्धको अपराध युनिटले गत जेठमै नेपाल प्रहरीको इन्टरपोल शाखामा जानकारी दिएको भएपनि साइबर ब्युरोले प्रारम्भिक अनुसन्धान गरी शनिवार भक्तपुर प्रहरीलाई जानकारी गराएको थियो ।
पक्राउ परेकी युवतीलाई भक्तपुर जिल्ला अदालतबाट म्याद थप गरी घटनाको सम्बन्धमा थप अनुसन्धान कार्य भइरहेको जिल्ला प्रहरी परिसर भक्तपुरले जनाएको छ ।