भक्तपुरपोस्ट संवाददाता भक्तपुर, ४ चैत २०७९
भक्तपुर, ४ चैत २०७९नेपाल पत्रकार महासंघ काठमाडौं शाखाले १ लाख १ हजार १ सय ११ रुपैयाँ राशिको “आदर्श पत्रकारिता पुरस्कार ” घोषणा गरेको छ । शाखाको शनिवार शङ्खरापुरमा सम्पन्न पूर्ण बैठकले पुरस्कार घोषणा गरेको हो ।
शाखाको सदस्य रही निरन्तर पत्रकारिता क्षेत्रकाे आदर्श र गौरवलाई उच्च राख्ने आदर्श पत्रकारलाई याे पुरस्कार दिइने अध्यक्ष सुर्य सुवेदीले बताए । चैत्र २५ गते हुने साधारण सभाकाे अवसरमा उक्त पुरस्कार प्रदान गरिने उनले जनाएका छन् ।
शङ्खरापुर नगरपालिकाकाे जरसिंहपौवामा बसेकाे बैठकले साधारणसभा सम्पन्न गर्न अध्यक्ष सुवेदीको संयोजकत्वमा ५१ सदस्यीय समिति बनाउने समेत निर्णय गरेको सचिव महेश्वर गौतमले जानकारी गराए । साथै, बैठकले समसामयिक बिषयमा ९ बुदे शङ्खरापुर घोषणा पत्र समेत जारी गरेको सचिव गौतमले जानकारी गराएका छन् ।