भक्तपुर, ५ चैत्र २०७९ बाजुराको बूढीनन्दा नगरपालिका -२ कोल्टीस्थित बूढीनन्दा क्याम्पसमा भएको स्वतन्त्र विद्यार्थी युनियनको निर्वाचनमा झडप भएको छ । गठबन्धन विद्यार्थीसँग र नेकपा एमाले अनेरास्ववियुबीच झडप भएको हो ।
स्ववियुको निर्वाचन बिथोल्ने गरी नेकपा एमालेका कार्यकर्ताले एकतर्फी रूपमा ढुङ्गा प्रहार गरेको गठबन्धन विद्यार्थी सङ्गठनले आरोप लगाएका छन् । अनेरास्ववियुले एकतर्फी ढुङ्गा प्रहार हुन थालेपछि नियन्त्रणमा लिन हवाई फायर गरेको हो ।
स्ववियुको निर्वाचनमा विद्यार्थीहरू मतदान गरिरहेको अवस्थामा बाहिरबाट ढुङ्गा प्रहार गरेपछि स्थिति नियन्त्रण गर्न हवाई फायर गर्नु परेको जिल्ला प्रहरी कार्यालय बाजुराले जनाएको छ ।
त्रिभुवन विश्वविद्यालय अन्तरगत पर्ने बूढीनन्दा क्याम्पसमा तीन दलीय भातृ सङ्गठन नेविसंघ, अनेरास्ववियु क्रान्तिकारी र अनेरास्ववियु एस उम्मेदवार र नेकपा एमाले निकट अनेरास्ववियुका उम्मेदवारबीच प्रतिस्पर्धा भइरहेको छ ।
क्याम्पसका ४१२ जना मध्ये अहिलेसम्म २४८ मत खसेको निर्वाचन अधिकृत जयदेव देवकोटाले बताएका हुन् ।