News Portal

  • सल्लाघारीमा चैत २३ देखि ११ दिनसम्म महोत्सव

    भक्तपुरपोस्ट संवाददाता भक्तपुर, ११ चैत २०७९
    ११६० पटक
    भक्तपुर, ११ चैत २०७९

    नयाँ वर्ष एवं बिस्का पर्वको अवसरमा भक्तपुरमा हुँदै आएको औद्योगिक, साँस्कृतिक, पर्यटन तथा व्यापार महोत्सवले यस पटक पनि निरन्तरता पाउने भएको छ । भक्तपुरको सल्लाघारीमा ‘सातौं औद्योगिक, साँस्कृतिक, पर्यटन तथा व्यापार महोत्सव आयोजना हुने आयोजकले जनाएको हो ।

    चैत २३ गतेदेखि २०८० साल बैशाख ३ गतेसम्म ११ दिनसम्म महोत्सवको आयोजना हुने शनिवार पत्रकार सम्मेलन गर्दै महोत्सवका संयोजक दीपक थापाले जानकारी गराएका हुन् । औद्योगिक शान्ति नेपाल संस्था र मध्यपुर ब्वाईज व्याण्डकोे आयोजना तथा भक्तपुर जिल्ला खेलकुद विकाश समितिको सहयोगमा महोत्सव हुन लागेको छ ।

    भक्तपुरको सल्लाघारीस्थित १०८ रोपनी मैदानमा महोत्सव हुनेछ । महोत्सवमा २ सय भन्दा बढी स्टल रहने र सम्पूर्ण दैनिक उपभोग्य सामाग्रीहरु, खाद्यान्न,लत्ताकपडाहरुका साथै कृषि तथा हस्तकलाका सामाग्रीहरु, भाँडाकुडाका सामाग्रीहरु, ब्यापार र पर्यटन प्रवर्द्धन गर्ने स्टलहरु रहने संयोजक थापाले बताएका छन् ।

    स्टलमा बिक्री हुने सामानहरुमा २० प्रतिशतदेखि ५० प्रतिशतसम्म छुट दिने व्यवस्था गरिएको समेत बताइएको छ ।

    महोत्सव करिब ५ लाख उपभोक्ताले अवलोकन गर्ने र स्टलहरुबाट करिब १० देखि १२ करोड रुपैयाको कारोबार हुने अपेक्षा गरिएको आयोजक संस्था औद्योगिक शान्ति नेपालका अध्यक्ष सन्दीप महतले जनाएका छन् । भक्तपुर ऐतिहासिक, सांस्कृतिक एवं पर्यटकीय क्षेत्र भएको र मेलाले यसको प्रचारप्रसारमा समेत सहयोग हुने महतले बिश्वास व्यक्त गरे ।

    अध्यक्ष महतका अनुसार मनोरञ्जनका लागि महोत्सवमा दैनिक राष्ट्रिय स्तरका कलाकारहरुको हाँस्य व्यङ्ग्य तथा गीत गायनको विशेष सांगीतिक प्रस्तुती रहने छ । त्यसैगरी बाल उद्यानमा रोटे पिङ्ग, रेनजर, मारुती सर्कस, ड्रागन ब्रेक डान्स, नाउँ तथा बच्चाको खेलौना, कोलम्बस, जादु लगायतको आकर्षक व्यवस्था गरिएको व्यवस्थापक सुनिल बज्राचार्यले बताए ।

    मेला विशुद्ध ब्यापारिक उदेश्यले मात्र नभई सेवाको उदेश्यले संचालन गर्न लागिएको आयोजकको भनाइ छ । मेलामा एउटै छानामुनी उपभोक्ताले चाहेका हरेक सामाग्रीहरु छुट मूल्यमा उपलब्ध गराईनुका साथै ब्यापार, पर्यटन, मनोरञ्जन र सामाजिक सेवाका बिबिध कार्यक्रम गरिने बताइएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...