News Portal

  • भक्तपुरकै जेठो साहित्य मन्दिरको साधारण सभामा संस्थापक कायष्ठ सम्मानित

    भक्तपुरपोष्ट संवाददाताभक्तपुर, ११ चैत २०७९
    ५१५ पटक
    भक्तपुर, ११ चैत २०७९

    भक्तपुरकै जेठो एवं देशकै पनि एक पुरानो र प्रतिष्ठित साहित्यिक संस्था नेपाल साहित्य मन्दिरको १३ औं साधारण सभा सम्पन्न भएको छ । शनिवार भक्तपुर स्थित जागृती माविमा १३ औं साधारण सभा सम्पन्न भएको हो ।

    साधारण सभाको अवसरमा सस्थापक सदस्य तिलक प्रकाश कायष्ठलाई सम्मान समेत गरिएको छ । बि.सं. २०१० सालमा सूर्य बहादुर पियाको अध्यक्षतामा रहेको ७ सदस्यीय समितिमा कायष्ठ सदस्य रहेका थिए । उनलाई मन्दिरले सम्मान पत्रबाट सम्मानित गरेको छ । हालसम्म १४ पुस्तक प्रकाशित गरिसकेका उनलाई १४ वटा कलम समेत प्रदान गरिएको थियो । आफैले स्थापना गरेको संस्थाबाट समानित हुन पाउदा कायष्ठ हर्षबिभोर भएका थिए ।

    नेपाल साहित्य मन्दिरका अध्यक्ष त्रैलोक्यमान बनेपाली(अगिव बनेपाली) ले अग्रजको सम्मान गर्न पाउदा सुखानुभूति प्राप्त भएको भन्दै अग्रजका निर्देशन र पदचाप पछ्याइरहने प्रतिवद्धता प्रकट गरेका छन् । नेपाल प्रज्ञा प्रतिष्ठान प्राज्ञ परिषद सदस्य समेत रहेका अध्यक्ष बनेपालीले संस्था स्थापनाको मर्म र भावना अनुरुप यसलाई सबैको साझा बनाइराख्ने र साहित्यको सेवामा समर्पित गराइरहने समेत बताए ।

    १३औं साधारणसभाका प्रमुख अतिथि नेपाल भाषा साहित्यकार योगेन्द्र प्रधान रहेका थिए । उक्त अवसरमा देवलाल उझाथाछें, त्रिरत्न शाक्य, ओमचरण अमात्य, कृष्णलाल प्रधान,मानिकबाबू ग्वंग, गुहेश्वरी शाक्य, बिमल ताम्राकार, रामगोपाल आशुतोष, जितेन्द्र रसिक लगायत साहित्यकारहरूको उपस्थिति रहेको थियो ।

    नेपाल साहित्य मन्दिर महाकवि लक्ष्मी प्रसाद देवकोटा, युगकवि शिद्धिचरण श्रेष्ठ, केदारमान व्यथित, हृदय चन्द्रसिंह प्रधान, बालकृष्ण सम लगायत नेपाल तथा भारतका साहित्यकारसँग जोडिएर साहित्य सम्मेलन समेत गरिसकेको ऐतिहासिक साहित्यिक संस्था हो ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...