भक्तपुर, १४ चैत्र २०७९ मिटरब्याजी पीडितका समस्या समाधान गर्ने आश्वासन गृह मन्त्रालयले दिएको छ ।
मिटरब्याजी पीडितलाई भेट्न टंगाल पुगेका गृह मन्त्रालयका सहसचिव केदारनाथ शर्मा, काठमाडौँका प्रमुख जिल्ला अधिकारी घनश्याम उपाध्याय, काठमाडौँका प्रहरी प्रमुख दानबहादुर कार्कीले समस्या समाधानन गर्ने आश्वासन दिएको हो ।
सहसचिव शर्माले कानुन बनाएर माग सम्बोधन गर्ने प्रयास भइरहेको बताए ।
‘कतिपय विषय कानुन बनाएर संशोधन गर्नुपर्ने छन् । प्रहरी प्रशासन मात्रै भनेर सबै गर्न सकिने कुरा भएन’, सहसचिव शर्माले भने, ‘कानुन बनाउन समय लाग्छ । कानुन बनाउने काम अघि बढेको छ । प्रमुख जिल्ला अधिकारीले पनि काम गरिरहनुभएको छ ।’
सरकारले ३४६ जना मिटरब्याजी पीडितको समस्या समाधान गरिसकेको र बाँकीको समस्या समस्या समाधानको प्रयास सरकारले गरिरहेको बताए । साथै उनले
पीडितहरूले प्रधानमन्त्रीलाई भेट्ने चाहाना राखेकाले त्यसको समन्वयका लागि समेत आफूले पहल गर्ने बताए ।
मिटरब्याजी पीडितहरूले भने आफूहरूका समस्या प्रधानमन्त्रीलाई भेटेर राख्ने बताएका छन् । सहसचिव शर्माले उनीहरूले प्रधाननमन्त्रीलाई भेटेर आफूहरूका समस्या समाधान गर्न आग्रहग गर्ने बताएको र आफूले उनीहरूको धारणा प्रधानमन्त्रीलाई भेटेर राख्ने बताए ।
११ दिन पैदल हिँडेर सोमबार काठमाडौँ आइपुगेका पीडितहरू मंगलबार बिहानै प्रधानमन्त्री भेट्ने भन्दै बालुवाटार हिँडेका थिए । तर उनीहरूलाई प्रहरीले टंगालमै रोकेर राखेको छ । प्रहरीले बालुवाटारतर्फ जान नदिएपछि पीडितहरू टंगालमै धार्नामा बसेका छन् ।