भक्तपुर, १८ चैत २०७९अप्रिल महिनाको १ तारिखको दिन विश्वका विभिन्न देशमा अप्रिल फुल मनाइन्छ। ‘फुल’ को नेपाली अर्थ मूर्ख हो । मान्छेहरूले यो दिन अरुलाई मूर्ख बनाएर आफू आनन्द लिने गर्दछन ।
झुटो बोलेर, ख्याल ठट्टा गरेर मुर्ख बनाउने भएकोले यो दिनको नाम अप्रिल फुल रहन गएको हो । यो अर्कालाई मुर्ख बनाएर रमाइलो गर्ने भएपनि संवेदनशील कुरामा झुटो बोल्दा कतिपय मानिस आहत हुने हुँदा नेपालमा यसलाई खासै रुचाइदैन ।
पहिला अप्रिल १ बाटै नयाँ वर्ष सुरु हुने तर बहुसंख्यक मानिसहरुले जनवरीलाई वर्षको पहिलो महिना मान्न थालेपछि अप्रिल महिनालाई नै पहिलो महिना मान्नेहरूलाई ब्यङ्ग्य गर्न थालियो । उनीहरुलाई मूर्ख ठान्दै शुरु गरिएको हासो ठट्टा ‘अप्रिल फुल डे’ विशेष दिनकै रुपमा मनाउन शुरु गरिएको विश्वास गरिन्छ ।
जो मानिसहरु १ जनवरीमा नभई १ अप्रिलका दिन नयाँ वर्ष मनाइरहेका हुन्थे, उनीहरुलाई मुर्ख बनाउन थालियो । त्यतिबेला देखि शुरु भएको यो कार्य मूर्ख दिवसकै रुपमा मनाउन शरु गरियो ।
अखबार, रेडियो र टिभीले समेत हुँदै नभएको समाचार दिएर उल्लु बनाउन थालेपछि यसको व्यापकता बढ्यो । बिबिसिले समेत अप्रिल फुल मनाएको देखिन्छ ।
यो दिन आइपर्न सक्ने झुटबाट बच्न यकिन नगरी कसैको बिश्वास नगर्नु हुन जानकारी गराइन्छ । साथै, अरुलाई दुख हुने वा मर्माहत गराउने झुट नाबोल्नुहुन भक्तपुर पोस्ट आग्रह गर्दछ ।
स्केच : हिन्दुस्तान टाइम्स