![](https://bhaktapurpost.com/wp-content/themes/onlineparda/images/1px.gif)
हवाई क्षेत्रमा नाम चलेको एयरवेज बुद्ध एयरका सञ्चालकको बिबाद बाहिर आएको छ । दुई भाइबीचको अंश बिबाद बाहिर आएको हो ।
बुद्ध एयरका संस्थापक अध्यक्ष सुरेन्द्रबहादुर बस्नेतको निधनपछि उनका दुई छोरा वीरेन्द्रबहादुर र शिवेन्द्रबहादुरबीच सेयर भागबन्डाको विषयमा ठुलो बिबाद देखिन्छ । कान्छा भाइ शिवेन्द्रबहादुरले बुधबार पत्रकार सम्मेलन गर्दै बिबाद सार्वजनिक गरेका छन् ।
आफ्ना बुवा सुरेन्द्रबहादुर बस्नेतले दुई दाजुभाइलाई भागबन्डा गरेको सेयरको कुनै हिसाब नदिई सेयरको स्वामित्वबाट समेत वञ्चित गर्दै कम्पनीबाट दाजुले आफूलाई निकालिदिएको उनले पिडा पोखेका छन् ।
कम्पनीमा ४० प्रतिशत सेयर स्वामित्वको अख्तियार प्राप्त व्यक्तिको नाताले कानुनबमोजिम लिखित रूपमा सम्बन्धित कागजात माग्दा उपलब्ध नगराइएको, आधिकारिक हिसाबकिताब नदेखाइएको मात्र नभई विभिन्न बहाना बनाउँदै कम्पनीको कार्यालयमा जानसमेत रोक लगाइएको उनले खुलासा गरे ।
दाजु वीरेन्द्रबहादुरले पैत्रिक सम्पत्ती एकलौटी गरेको उनको आरोप छ । आफूलाई कम्पनीको साधारण सभा र बोर्ड मिटिङमा समेत बोलाउन बन्द गरिएको भन्दै उनले न्यायको लागि पहल गरिदिन आग्रह गरेका थिए ।