भक्तपुर, ५ जेठ २०८०सरकारले आगामी आर्थिक वर्ष २०८०/२०८१ को नीति तथा कार्यक्रम सार्वजनिक गरेको छ । राष्ट्रपति रामचन्द्र पौडेलले संघीय संसदको संयुक्त बैठकलाई सम्बोधन गर्दै सरकारको नीति तथा कार्यक्रम सार्वजनिक गरेका हुन् ।
राष्ट्रपति पौडेलले सरकारले लिएका नीतिगत तथा अन्य सुधारात्मक उपायको परिणाम स्वरुप सबै क्षेत्रमा सकारात्मक नतिजा देखिन थालेको बताएका थिए । उनले भने, ‘अर्थतन्त्रका सूचक सकारात्मक हुँदै गएका छन्, अर्थतन्त्र स्वाभाविक लयमा फर्कन थालेको छ ।’
पछिल्लो समय राजस्व, वैदेशिक सहायता र वैदेशिक लगानीमा सकारात्मक प्रभाव परेको र विप्रेषण आप्रवाह बढेको सरकारको नीति तथा कार्यक्रममा उल्लेख गरिएको छ ।
यस्तै, विदेशी मुद्रा सञ्चिति बढेको, बैंकको ब्याजदरमा तुलनात्मक सुधार, विदेशमा भएका लाखौँ नेपाली सामाजिक सुरक्षामा आबद्ध हुने प्रक्रिया सुरु भएको जनाइएको छ ।
हेर्नुस् पूर्णपाठ