News Portal

  • बजेटले प्रदेशप्रति अपनत्व पैदा गर्न सक्नुपर्नेमा सांसद श्रेष्ठको जोड

    भक्तपुरपोष्ट संवाददाताभक्तपुर, ११ जेठ २०८०
    ४५४ पटक
    भक्तपुर, ११ जेठ २०८०

    बागमती प्रदेश सभाकी सदस्य भुवनकेशरी श्रेष्ठ भावनाले प्रदेश सरकारले प्रदेशको अस्तित्व अनुभूत हुनेगरी बजेट ल्याउन सक्नुपर्नेमा जोड दिएकी छन् । प्रादेशिक संरचना प्रति जनतालाई बितृष्णा हुनु नहुने बताउदै उनले प्रदेशप्रति अपनत्व पैदा हुनेगरी बजेट ल्याउन सक्नुपर्नेमा जोड दिएकी हुन् ।

    बिहीवार प्रदेश सभाको वर्षे अधिवेशनमा बजेट बिनियोजन बिधेयक २०८० को सिद्धान्त र प्राथमिकताको विषयमा बोल्दै नेकपा(माओवादी केन्द्र) की नेतृ समेत रहेकी भक्तपुरकी सांसद श्रेष्ठले प्रदेश सरकारको बजेटले जनतामा प्रदेश प्रतिको धारणा बन्ने बताइन् । बजेट व्यवहारिक, बस्तुवादी र जनमुखी हुनुपर्ने प्रष्ट पार्दै उनले प्रदेश संरचनाको बिरोध गर्नेहरु बोल्न नसक्ने गरी जनताका अपेक्षा र आवश्यकतालाई बजेटले सम्बोधन गर्नुपर्ने सुझाव दिएकी छन् ।

    उनले वित्तीय शिक्षाको अभावमा वित्तीय अनुशासन कायम हुन नसकेको प्रति चिन्ता व्यक्त गर्दै विशेषगरी सहकारी संस्था टाट पल्टने र भाग्ने समस्या बढेको र जनताको बचत जोखिममा परेको प्रदेश सभालाई जानकारी गराइन् । जनतालाई वित्तीय शिक्षा दिंदै बचत सुरक्षाबारे ज्ञान बाढ्न र आर्थिक अनुशासनलाई मजबुद बनाउने व्यवस्था मिलाउन प्राथमिकतापूर्वक बजेट बिनियोजन गर्नुपर्ने उनले बताइन् ।

    संघीयताले स्थानीय तहलाई स्थानीय पाठ्यक्रम बनाउने अधिकार दिएपनि स्थानीय उत्पादन चिनाउन र बढाउँन पहल नभएको भन्दै उनले प्रदेश सरकारले स्थानीय तहसँग समन्वय गरी त्यसको पहल लिन बजेट व्यवस्था गर्नुपर्ने बताइन । उनले तीन खम्बे अर्थनीति अनुसार सरकारी, सामुदायिक र निजी क्षेत्रको संयुक्त लगानीको लागि वातावरण बनाइनु पर्ने पनि बताइन ।

    त्यसैगरी पहिचानसहितको एकीकृत बस्ती बिकासमा जोड दिदै उनले विशेषगरी तामाङ्ग र नेवार बस्तीको पहिचानका लागि सास्कृतिक एवं पर्यटन प्रबर्द्धनको दृष्टिले समेत बजेट व्यवस्था गर्न माग गरिन ।

    सांसद श्रेष्ठले प्रदेशले आम्दानीका लागि उत्पादनमा ध्यान दिनुपर्नेमा जोड दिंदै आम्दानीका श्रोतहरु सुनिश्चित गर्नुपर्ने समेत सुझाव दिएकी छन् ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...