प्रधानमन्त्री पुष्पकमल दाहाल प्रचण्डलाई सधैँ पूर्वाग्रही आँखाले हेरिरहनेप्रति त केही भन्नु छैन । उनले भारत भ्रमणका क्रममा सम्झाैता गरेर भैंसी ल्याए भनेर संसददेखि सामाजिक सञ्जालसम्म निकै खिसिट्याैरी गरेकाे देखियाे । याे एउटा आफ्नै प्रधानमन्त्रीविरूद्ध मात्र नभई कृषिप्रतिकाे घाेर अपमान हाे । किसान र कृषिलाई नै नजरअन्दाज गरेकाे हाे । संसदमा चिल्लाचापुला पार्टीका सभापति र सांसदहरू बुरूक्क-बुरूक्क गर्दै ‘नागरिकतासित भैंसी प्रधानमन्त्रीले किन साटे …?’ पाे भन्दारहेछन् ।

मेराे विचारमा प्रधानमन्त्रीले नागरिकतासित भैंसी साटे साटेनन्, संसदमा पक्कै जवाफ देलान् । मुर्रा राँगाे ल्याउने नेपाल सरकारकाे पहिलेदेखिकै प्रयासले प्रधानमन्त्रीकाे भारत भ्रमणका क्रममा सार्थकता पाएकाे मात्र हाे । याे बाहेक प्रम भ्रमणका क्रममा नेपालकाे विद्युत भारतलाई बेच्नेलगायत अरू थुप्रै दीर्घकालीन महत्वका सम्झाैता/समझदारी भएका छन् । भैंसीकै चर्चा किन बढी ? किनकि हामी तिललाई पहाड बनाउन निकै माहिर छाैं ।

म प्रमकाे पार्टी समर्थक वा भक्त पनि हाेइन । तर, याे देशकाे प्रधानमन्त्रीकाे राम्राे कामलाई समर्थन गर्ने एक जिम्मेवार नागरिक हुँ । प्रम दाहालमा केही राम्रै गर्ने हुटहुटी देख्छु । नराम्राे गर्ने उनकाे चाहना देख्दिनँ । यदि उनले नराम्राे गरे औंल्याउन अर्काे आइतबार कुरिराख्नु पर्दैन ! जय हाेस् ! (सिग्देल शिक्षा पत्रकार हुन् )