News Portal

  • न्यौपानेका कृतिहरूमा साहित्यिक पत्रकार संघको परिचर्चा

    भक्तपुरपोस्ट संवाददाता काठमाडौं, २५ जेठ २०८०
    ५१३ पटक
    काठमाडौं, २५ जेठ २०८०

    काठमाडौं । साहित्यिक पत्रकार संघको आयोजनामा आज यहाँ भएको साहित्यकार वेदकुमारी न्यौपानेका कविता र नाट्यकृतिहरूको परिचर्चा कार्यक्रममा वक्ताहरूले उनको योगदानको प्रशंसा गर्दै साहित्यको इतिहास लेख्नेहरूबाट धेरै साहित्यकारहरू उपेक्षित रहेको उल्लेख गर्नुभयो ।

     

    कार्यक्रमका प्रमुख अतिथि हिरण्यकुमारी पाठकले साहित्यकार न्यौपानेको साहित्यिक यात्राको आफू साक्षी रहेको जानकारी दिदै भन्नुभयो, “बीचमा लामो समयसम्म नदेखिए पनि र चर्चा नभए पनि उनी निरन्तर साधनारत रहेकी छिन् ।” वरिष्ठ समालोचक प्रमोद प्रधानले वेदकुमारी न्यौपानेका कवितामा सरल शब्दमा जीवनका भोगाइ र अनुभूति समेटिएको बताउँदै उहाँका कविताभन्दा गीत र मुक्तक अझ प्रभावकारी भएको धारणा राख्नुभयो ।

    अर्का समालोचक डा. शान्तिमाया गिरीले न्यौपानेका नाट्यकृतिहरूमा सामाजिक विषयवस्तुलाई सरल भाषाशैलीमा प्रस्तुत गरिएको छ भन्नुभयो ।

    अध्यक्षको आसनबाट साहित्यिक पत्रकार संघका सभापति राधेश्याम लेकालीले काठमाडौं, अमेरिका र अस्ट्रेलियामा बस्दै आउनुभएकी स्रष्टाबाट पाठकले अब डायस्पोरिक लेखनको आशा गरेको उल्लेख गर्नुभयो ।

    कार्यक्रममा सांसद रेखा यादव, नेपाल स्रष्टा समाजका अध्यक्ष श्रीओम श्रेष्ठ  रोदन र प्रा. डा. गोविन्दमानसिंह कार्कीले साहित्यकार न्यौपानेको लेखनयात्रा प्रशंसा गर्दै आगामी यात्राका लागि शुभकामना दिनुभएको थियो ।

    कार्यक्रममा साहित्यकार युवराज नयाँघरेले स्वागत मन्तव्यमा नेपाली गीति नाटक र गीति कथा लेखनमा गतिशील चरित्र रहेको विचार राख्नुभएको थियो ।

    समारोहमा साहित्यकारहरु किशोर पहाडी, शंकर भारती,  विनोद नेपाल, विमल भौकाजी, प्रद्यम्न जोशी, मन्जिला अनिल, कमला रिसाल, सीता विष्ट कार्की, ममता मृदुल, रन्जना निरौला, तारा सुवेदी, नीता श्रेष्ठ, रेनु भट्टराई, शारदा वाग्ले, सीता नेउपाने, पुरुषोत्तम नेउपानेलगायतको उपस्थिति थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...