भक्तपुरपोस्ट संवाददाता भक्तपुर, ५ असार २०८०
भक्तपुर, ५ असार २०८०नेकपा एमालेका सचिव एवं निवर्तमान पर्यटन मन्त्री योगेश भट्टराईले समाजवादी मोर्चा बुढाहरूको क्लब जस्तो भएको टिप्पणी गरेका छन् ।
संघीय संसद भवन परिसरमा आज पत्रकारहरूसँग कुराकानीमा उनले समाजवादी मोर्चामा रहेका दलहरूबीच पछि झगडा पर्ने र अलग सम्भावना रहेको बताउँदै उनले उक्त मोर्चा बुढाहरूको क्लब जस्तो भएको टिप्पणी गरेका हुन् ।
‘यो प्रौढहरुको क्लब हो, यसमा इतिहासको बखान हुन्छ, मेरो पालामा यो, मेरो पालामा यो, यो बुढाहरुको क्लब हो,’ उनले भने ।
एमाले नेता भट्टराईले समाजवादी मोर्चामा रहेका दलहरुबीच समाजवादकै विषयमा समान धारणा नरहेको बताए ।