News Portal

  • चाँगुनारायणले सडक संजाल बनाउने र विद्युतीय सवारीसमेत चलाउने

    भक्तपुरपोस्ट संवाददाता भक्तपुर, ९ असार २०८०
    ९४५ पटक
    jivan khatriभक्तपुर, ९ असार २०८०

    चाँगुनारायण नगरपालिकाले सबै वडासंग जोडिने सडक संजालमा जोड दिएको छ । शुक्रवार सार्वजनिक गरिएको नीति तथा कार्यक्रममा ९ वटै वडा कार्यालय देखि नगर कार्यापालिका कार्यालय सम्म जोड्ने सडक संजाल बनाइने उद्घोष गरिएको हो ।

    यातायातमा सुगमता नदेखिएको चाँगुनारायण नगरपालिकाका नगर प्रमुख जीवन खत्रीले नीति तथा कार्यक्रम प्रस्तुत गर्दै सडक संजाललाई उच्च प्राथमिकतामा राखी निर्माण कार्य अघि बढाउने बताए । उनले सबै वडाका मूख्य सडक लाई कालोपत्रे/पक्की बनाइने नीति तथा कार्यक्रम समेत सार्वजनिक गरेका छन् ।

    कृषी उत्पादन र पर्यटन प्रवर्द्धनको आधारमा सडक निर्माण गर्ने नगरपालिकाको नीति रहेको छ ।

    सडक निर्माणमा मात्र नभई यातायातका सवारी संचालनमा समेत नीति तथा कार्यक्रममा स्पष्ट पारिएको छ । सार्वजनिक यातायात प्रणालीलाई सुद्रिढ र व्यवस्थित बनाउन उपत्यकाका अन्य स्थानीय तहसंग समन्वय, सहकार्य र साझेदारी गरी एकीकृत सार्वजनिक यातायात योजना कार्यान्वयनका लागि पहल गर्ने समेत नीति तथा कार्यक्रममा उल्लेख गरिएको छ ।

    सडक निर्माण र यातायातका साधन आवागमनमा अवरोध गर्नेलाई निरुत्साहनको नीति लिदै नगरपालिकाले द्रुत मार्गका साथै खासाङ्ग खुसुङ्ग खोला र घट्टेखोलामा नयाँ करिडोर निर्माण अघि बढाउने नीति लिएको छ ।

    त्यसैगरी स्थानीय व्यवसायीको साझेदारीमा विद्युतीय सवारी साधन संचालनका लागि पहल गरिने समेत नगर प्रमुख खत्रीले नीति तथा कार्यक्रम मार्फत सार्वजनिक गरेका छन् । विद्युतीय सवारी संचालन गर्न सके प्रदुषण पनि नहुने र बस्तीबस्तीमा यातायात सुविधा पुर्याउन सकिने नगरपालिकाले बिश्वास लिएको छ ।

    तस्वीर : आशिष पौडेल

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...