News Portal

  • माओवादी केन्द्र भक्तपुरका अगुवा नेताकार्यकर्तालाई अर्थतन्त्रबारे अभिमुखीकरण

    बाबुराम दाहाल / भक्तपुर पोस्ट भक्तपुर, ९ असार २०८०
    ६७६ पटक
    भक्तपुर, ९ असार २०८०

    नेकपा(माओवादी केन्द्र) मा आवद्ध भक्तपुरका अगुवा नेताकार्यकर्तालाई विश्व अर्थतन्त्र र देशको आर्थिक अवस्थाबारे अभिमुखीकरण गरिएको छ । नेकपा(माओवादी केन्द्र)को जिल्ला समन्वय समितिले एक कार्यक्रमको आयोजना गरी अर्थतन्त्रबारे अवगत गराएको हो ।

    उक्त अवसरमा बागमती प्रदेश सरकार मुख्य मन्त्रीका प्रमुख राजनीतिक सल्लाहकार समेत रहेका पार्टीका केन्द्रीय सदस्य डिपी ढकालले विश्व अर्थतन्त्रसंग नेपाली अर्थतन्त्रको अवस्थाबारे व्याख्या गर्दै विश्वव्यापी आर्थिक मन्दीले नेपालमा पारेको प्रभावबारे प्रष्ट पारेका थिए । अर्थ राजनीतिका बिज्ञ ढकालले संघ, प्रदेश र स्थानीय तहले तय गरेका नीति तथा कार्यक्रम र बजेटको निर्माण प्रक्रिया बारे जानकारी गराउदै त्यसको कार्यान्वयनमा पार्टीले खेल्नुपर्ने भूमिका बारे पनि प्रशिक्षित गरेका बताइएको छ । उनले बजेटलाई कसरी अधिकत्तम
    जनताको हितमा प्रयोग गर्ने भन्ने बारे स्पष्ट पारेका एक सहभागीले जानकारी गराए ।

    त्यसैगरी बागमती प्रदेश सभाको सदस्य समेत रहेका अर्का केन्द्रीय सदस्य देवेन्द्र श्रेष्ठले संघीय सरकार र प्रदेश सरकारले भक्तपुरमा राखेको बजेट बारे बताउदै बजेट कार्यान्वयन पक्षलाई बलियो बनाउनुपर्ने आवश्यकता औल्याए । बजेट राख्ने भन्दा बजेट खर्च गर्ने कुरा महत्वपूर्ण रहेको भन्दै उनले बजेटको सहि सदुपयोगका लागि पहलकदमी लिनपर्ने बताए । संघ र प्रदेशमा आफ्नै पार्टीको नेतृत्वमा सरकार रहेकाले बजेटको पूर्ण कार्यान्वयनमा सहयोग गरी सरकारलाई सफल बनाउनपर्नेमा उनले जोड दिए ।

    कार्यक्रममा पार्टीका जिल्ला इन्चार्ज समेत रहेका केन्द्रीय सदस्य दिलिप प्रजापति भिष्मले पार्टीले पहल गरेर पारेको बजेटमा नेताकार्यकर्ताले अपनत्व लिन निर्देशन दिएका छन् । संघमा आफ्नै पार्टीको प्रधानमन्त्री र प्रदेशमा पनि मुख्यमन्त्री भएकाले भक्तपुरमा बजेटको कमी नहुने उनको भनाइ छ । पार्टीका तर्फबाट प्रदेशका दुईजना सांसद र मुख्यमन्त्रीका सल्लाहकार समेत रहेका त्यसैगरी संघका बिभिन्न मन्त्रालयमा जिल्लाका नेताहरुले राजनीतिक नियुक्ति लिएकाले यसलाई जिल्ला पार्टीले अवसरको रुपमा सदुपयोग गर्न सक्नुपर्नेमा उनले जोड दिए ।

    पार्टीका जिल्ला संयोजक सुनिल गोठे बासुले शनिवार बिहान सम्पन्न प्रशिक्षण कार्यक्रममा उत्साहप्रद सहभागीता रहेकाले बहस एवं प्रशिक्षण लाई निरन्तरता दिइने जानकारी गराए । कार्यक्रमबाट अर्थतन्त्र र बजेट निर्माण तथा कार्यान्वयन बारे सबै सहभागीले राम्रो जानकारी पाएका जिकिर गर्दै संयोजक बासुले समसामयिक विषयमा यस्ता कार्यक्रम गर्दै जाने बताए ।

    प्रतिकृया दिनुहोस्

    भक्तपुरका बासुले ल्याए मोबाइल हराउन नदिने ‘एप’

    भक्तपुरका व्यवसायी सुवास बासुले मोबाइल हराउन नदिने एप्लिकेशन भित्राएका छन् । उनले भारतमा लोकप्रिय रहेको...

    एमाले भक्तपुरको अध्यक्षमा दोहोरिए देउजा

    नेकपा एमालेको भक्तपुर जिल्ला कमिटीको ९ औं अधिवेशनले नयाँ नेतृत्व निर्वाचित गरेको छ । सल्लाघारीस्थित...

    भक्तपुर एमालेमा २ प्यानल, मतदानबाट नेतृत्व निर्वाचित गरिँदै

    नेकपा एमालेको भक्तपुर जिल्ला कमिटीमा नयाँ नेतृत्व चयनका लागि निर्वाचन हुने भएको छ । सल्लाघारीस्थित...

    भक्तपुर निवासी पौडेल ३८ वर्षमै सहसचिव सिफारिस

    krishna paudel CDO

    बिराटनगर स्थायी ठेगाना भई भक्तपुरको मध्यपुर थिमी-३ निवासी गृह मन्त्रालयका उपसचिव कृष्ण पौडेल निजामती सेवाको...

    सर्लाही एमालेमा पुन: साहकै नेतृत्व, १२ मतले पछि परे प्रसाईं

    नेकपा एमाले जिल्ला कमिटी सर्लाहीको अध्यक्षमा राजकुमार साह निर्वाचित भएका छन् । सदरमुकाम मलंगवामा बुधबार...