भक्तपुर, १७ असार २०८० भक्तपुरको सूर्यविनायक नगरपालिका वडा नं. ७ गुण्डु तिनधारेमा स्कुटी दुर्घटना हुँदा एकजनाको ज्यान गएको छ । बुवाछोरी सवार स्कुटी दुर्घटना हुँदा स्कुटी चालक रहेका ४५ वर्षीय बुवाको ज्यान गएको हो ।
गए राति करिब ९ बजे पाण्डुबजार तर्फ आँउदै गर्दा बा. ९३ प. ५८८१ नं.को स्कुटी आफै अनियन्त्रित भई दुर्घटना भएको प्रहरीको भनाइ छ । ज्यान गुमाउने स्कुटी चालक भक्तपुर सूर्यविनायक नगरपालिका वडा नं. ६ पाण्डुबजारका ४५ वर्षीय कृष्ण कुमार त्वाटी हुन् ।
गम्भिर घाईते भई उपचारको लागि सल्लाघारीस्थित डा. ईवामुरा स्मृती अस्पताल लगिएकोमा उपचारकै क्रममा करिब साढे ९ बजे उनको ज्यान गएको प्रहरीले जनाएको हो । स्कुटी पछाडि सवार उनकी छोरी बर्ष १९ की अनिता त्वाटी सामान्य घाईते मात्र रहेकी र उपचार पश्चात उनको डिस्टार्च भईसकेको जिल्ला प्रहरी परिसर भक्तपुरका सूचना अधिकारी एवं डिएसपी बसन्त पाठकले बताए । घटनाको सम्बन्धमा थप अनुसन्धान कार्य भई रहेको उनको भनाइ रहेको छ ।