भक्तपुरपोष्ट संवाददाताभक्तपुर, २० असार २०८०
भक्तपुर, २० असार २०८०सहसचिव जितेन्द्र बस्नेत काठमाडौ जिल्लाको सिडिओ नियुक्त भएका छन् । गृह मन्त्रालयमा प्रवक्ता रहेका उनलाई काठमाडौ जिल्लाको सिडिओमा सरुवा गरिएको हो ।
बुधबार बस्नेतलाई काठमाडौ जिल्लामा सिडिओको जिम्मेवारी दिने मन्त्रीस्तरीय निर्णय भएको गृहमन्त्रीका प्रेस सल्लाहकार कमल गिरीले जानकारी गराएका हुन् । काठमाडौ सिडिओ घनश्याम उपाध्याय मंगलवार सचिवमा बढुवा भएपछि उनको ठाउँमा बस्नेतलाई पठाइएको गिरीले बताए ।
काठमाडौका नवनियुक्त सिडिओ बस्नेत गृहमन्त्रालयका अनुभवी एवं क्षमतावान सहसचिव हुन् । सुरक्षा तथा समन्वय महाशाखा प्रमुख रहेका उनी गृह मन्त्रालयका प्रवक्ता पनि हुन् ।
यसअघि गोरखा, चितवन र पर्सामा सफलपूर्वक सिडिओको जिम्मेवारी सम्हालेको अनुभव उनीसंग छ । बस्नेतको निजी निवास भक्तपुरको कौसलटारमा रहेको छ ।