भक्तपुर, २७ असार २०८० प्रधानमन्त्री एवं माओवादी जनयुद्धका सुप्रिम कमान्डर तथा नेकपा(माओवादी केन्द्र) का अध्यक्ष प्रचण्डलाई पत्नी शोक परेको छ । उनको जीवन संगिनी सीता दाहालको बुधवार बिहान निधन भएको हो ।
सीता लामो समयदेखि पार्किन्सन जस्तो देखिने असाध्य रोगले ग्रसित रहेकी थिइन् । उपचारको क्रममा नर्भिक अस्पतालमा करिब ७० वर्षको उमेरमा उनको निधन भएको पारिवारिक श्रोतले पुष्टि गरेको छ ।
बिहान ११ बजेदेखी १ बजेसम्म पार्टी कार्यालय पेरिसडाँडामा उनको पार्थिव शरीरलाई श्रध्दाञ्जलीका लागि पार्टी कार्यालय पेरिस डाडामा राखिने बताइएको छ । १:३० बजे आर्यघाटमा अन्तिम श्रध्दाञ्जली सहीत अन्तिम बिदाई हुने जनाइएको छ ।
सीता दाहालका २ छोरी छन् । सीताले अध्यक्ष प्रचण्डलाई पारिवारिक तथा राजनीतिक जीवनमा पूर्ण साथ दिएकी थिइन् । बिरामी नरहँदा पार्टीमा पनि उनको ठूलो योगदान र बलियो प्रभाव रहेको थियो ।