News Portal

  • वार्षिक ४ करोड छात्रवृत्ति बाढ्दै भक्तपुर नगरपालिका, ख्वप कलेज अफ इन्जिनियरिङमा ४० लाख

    निशा कुस्मा भक्तपुर, ३ साउन २०८०
    ४२२ पटक
    sunil prajapati mayor at khopa collegeभक्तपुर, ३ साउन २०८०

    भक्तपुर नगरपालिकाबाट सञ्चालित ख्वप कलेज अफ इन्जिनियरिङले ३९ लाख ४० हजार बराबरको छात्रवृत्ति रकम वितरण गरेको छ । कलेजमा अध्ययनरत गरिब तथा जेहेनदार विद्यार्थीहरुलाई छात्रवृत्ति रकम वितरण गरिएको हो ।

    बुधवार विशेष कार्यक्रमका बीच ख्वप कलेज अफ इन्जिनियरिङमा अध्ययनरत ८८ जना विद्यार्थीहरुलाई भक्तपुर नगरपालिकाका प्रमुख सुनिल प्रजापतिले उक्त छात्रवृत्ति रकम वितरण गरेका हुन् ।

    छात्रवृत्ति वितरण गर्दै भक्तपुर नगरपालिकाका प्रमुख सुनिल प्रजापतिले कलेजबाट प्रदान गरिने छात्रवृत्तिले गरिब र जेहेनदार विद्यार्थीलाई उच्च शिक्षा हासिल गर्न अवसर मिलेको बताउँदै सेमेष्टर उत्कृष्ट विद्यार्थीहरुले पनि छात्रवृत्तिमा अध्ययन गर्न पाउनु आफैमा ठूलो उपलब्धी भएको बताए । कति विद्यार्थीहरुले झुटो विवरण बुझाएर छात्रवृत्ति लिने प्रयास भएको बताउँदै तसो नगर्न र छात्रवृत्रि रकमको सदुपयोग गरी आफ्नो अध्ययन पूरा गर्न विद्यार्थीलाई प्रमुख प्रजापतिले प्रेरित गरे ।

    जागिर खान र पैसा कमाउन मात्र नभइ समाजमा स्थापित इन्जिनियर भई राष्ट्र सेवा गर्ने अठोट विद्यार्थीमा हुनुपर्ने उनले बताए । विद्यार्थीहरुले नैतिकता, अनुशासन र कर्तव्यप्रति दृढ भएर अघि बढ्नुपर्ने उनले प्रष्ट पारे ।

    उच्च शिक्षा हासिल गर्न वर्षेनि लाखौं विद्यार्थी विदेशिँदै गर्दा नेपालका विश्वविद्यालयहरुमा विद्यार्थी संख्या घट्दै गएको र कलेजहरु समेत संकटमा पर्दै गएको बताउँदै उहाँले विद्यार्थीहरुलाई उच्च शिक्षा हासिल गर्ने अवसर नेपालमै बनाउन सरकारले विशेष पहल गर्नुपर्ने उनको भनाइ छ ।

    ख्वप विश्वविद्यालय भक्तपुरबासीको मात्र नभई सबैको साझा माग भएको भन्दै उनले सरकारले छिटो भन्दा छिटो ख्वप विश्वविद्यालय सञ्चालनको लागि स्वीकृति प्रदान गर्नुपर्ने प्रमुख प्रजापतिले माग गरेका छन् ।

    कार्यक्रममा भक्तपुर नपा वडा नंं ९ का वडाध्यक्ष तथा छात्रवृत्ति सिफारिस समितिका संयोजक रविन्द्र ज्याख्वले नगरपालिकाले सञ्चालन गरेका विभिन्न शैक्षिक संस्थाहरुले आफ्ना अध्ययनरत विद्यार्थीहरुलाई वार्षिक ४ करोड भन्दा बढी रकम बराबरको छात्रवृत्ति वितरण गर्दै आइरहेको जानकारी गराए । नयाँ पुस्तालाई प्राज्ञिक रुपबाट योग्य बनाई समाजप्रति उत्तरदायी बनाउने कलेज स्थापनाको उद्देश्य रहेको र सोही अनुरुप काम भइरहेको उनको भनाइ छ ।

    उक्त अवसरमा ख्वप इन्जिनियरिङ कलेजका प्राचार्य सुजन माक र ख्वप कलेज अफ इन्जिनियरिङका प्राचार्य सुनिल दुवालले गरिब तथा जेहेनदार विद्यार्थीलाई छात्रवृत्ति प्रदान गर्नुको उद्देश्यमाथि प्रष्ट पार्दै छात्रवृत्तिमा अध्ययनरत विद्यार्थीहरुले समाज र देशको लागि सेवा गर्ने विषयमा पनि चिन्तन गर्नु जरुरी रहेकोमा जोड दिए ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...