गाईभैँसीमा फैलिएको लम्पी स्किन रोगले महामारीको रुप लिएको छ । माहामारीका कारण गाईभैँसीको ज्यान जानेक्रम बढे संगै किसानहरु चिन्तित बनेका छन् ।

यस रोगका कारण नेपालमा करिब २५ लाख पशुमा सङ्क्रमण फैलिने र १ लाख गाईभैँसी मर्ने जसले गर्दा झन्डै १ खर्ब २६ अर्ब रुपैयाँ बराबरको आर्थिक क्षति हुने नेपाल पशु चिकित्सा परिषद्‌ले प्रक्षेपण गरेको छ ।

भक्तपुरमा पनि लम्पी स्किन रोग महामारीले उग्र रुप लिएको छ । एक्कासी गाईभैसी बिरामी पर्ने र मर्ने गर्दा किसानहरु ब्याकुल बनेका छन् । यसैबीच सूर्यविनायक नगरपालिकाले किसानलाई राहत दिने निर्णय लिएको छ । नगर प्रमुख बासुदेव थापाको अध्यक्षतामा सम्पन्न कार्यपालिका बैठकबाट लम्पी स्किन रोग पिडित किसानलाई राहत दिने निर्णय गरिएको नगर प्रवक्ता रविन्द्र सापकोटाले जानकारी गराएका छन् ।

लम्पी स्किन रोग महामारीले गाईभैसी मरेका भए नगर भित्रका किसानलाई नगरपालिकाले राहत दिने प्रमुख प्रशासकीय अधिकृत श्रीधर केसीले प्रष्ट पारे । आइतवार नगरपालिकाले पन्ध्र दिने सूचना जारी गर्दै राहतका लागि आवश्यक प्रमाण सहित निवेदन दिन पन्ध्र दिनको समय सीमा दिएको उनले जानकारी गराए । जारी सूचना अनुसार दुहुनो गाईभैसी मरेको भए १० हजार र थारो भए ७ हजार राहत स्वरुप किसानलाई उपलब्ध गराइनेछ । लम्पी स्किन रोग महामारी पिडित किसानले आफ्नो वडा कार्यालयमा निवेदन दर्ता गराउन सक्ने बताइएको छ ।

लम्पी